وسىلايشا ەدٸلبەك نييازىمبەتوۆ سەكٸلدٸ مانيۋروۆا دا وليمپيادانىڭ ەكٸ رەت كٷمٸس جٷلدەگەرٸ اتاندى. الايدا ول بٸر كٷمٸسٸن رەسەي قۇراماسى قورجىنىنا سالعان بولاتىن.
ول لوندون وليمپياداسىندا قولا جٷلدە ولجالاعان بولاتىن. ال ونىڭ الدىندا پەكين وليمپياداسىنا گيۋزەل مانيۋروۆا رەسەي اتىنان قاتىسىپ, كٷمٸس العان. ول وسىلايشا ٷش وليمپياداعا قاتىسىپ, بارلىق جٷلدە تٷرٸن الىپ كٶرگەن تۇڭعىش ەيەل بالۋان اتاندى.
مانيۋروۆا وسىعان دەيٸن, جارتىلاي فينالدا رەسەيدٸڭ 2010-2011 جىلدارداعى بٸرنەشە مەرتە چەمپيونى ەكاتەرينا بۋركيناعا قارسى كٷرەستە ناعىز سپورتتىق سەنساتسييا جاساعان ەدٸ.
ۇپاي جاعىنان ۇتىلا تۇرسا دا, گيۋزەل مانيۋرا جەكپە-جەكتٸ ٶز پايداسىنا تازا جەڭٸسپەن اياقتاعان. ايقاستىڭ سوڭىنا دەيٸن 8 سەكۋند قالعاندا قازاقستاندىق بالۋان رەسەيلٸك قارسىلاسىن شالقاسىنان سۇلاتىپ سالدى.
بۇدان بۇرىن وليمپيادانىڭ العاشقى بەلدەسۋٸندە ول ەۋروپا چەمپيونى, ۆەنگرلٸك جانەتت نەمەتتٸ 12.2 ەسەبٸمەن ۇتىپ, جەكپە-جەكتٸ مەرزٸمٸنەن بۇرىن اياقتاعان بولاتىن.
ال وسىدان شامالى ۋاقىت بۇرىن 63 كەلٸگە دەيٸنگٸ سالماقتا ەل نامىسىن قورعاعان ەكاتەرينا لاريونوۆا قولا جٷلدە ٷشٸن تارتىستا اقش سپورتشىسى ەلەنا پيروجكوۆانى جەڭٸپ, قازاقستان قورجىنىنا جەتٸنشٸ قولا مەدالدٸ سالعان ەدٸ. ال كەشە التىنشى قولا مەدالدى تاعى بٸر بالۋان قىزىمىز ەلميرا سىزدىقوۆا جەڭٸپ العان بولاتىن.
