“Keiingi eki kúnde maǵan qarai ekpindi aqparattyq jáne psihologiialyq shabýyl bastaldy. Ony ózim de kútkenmin. Sebebi, oǵan etim úirengen. Mundai shabýyldar maǵan 2008, 2011, 2019-ynshy jyldary da jasalǵan. Jasyrmaimyn ońai emes. Biraq shydaýǵa týra keledi. Endi sizderge bul tehnologiia qalai jasaqtalatynyn túsindirýge tyrysaiyn. Mysaly osy jolǵy shabýyldyń taqyryby meniń namaz oqyp júrip alaiaqtyq jasaityn adamdar jaily aitqan sózimdi alǵa tartyp, sol arqyly qoǵamdy maǵan qarsy qoimaq. Maqsaty belgili. Birinshisi- meni qorqytý, ekinshisi-meniń jeke basyma qastandyq jasalsa, osy sebepten eken degizý. Sóz joq aqyldy júris. Ekeýiniń bireýine jetkenshe olardyń toqtamaitynyn da bilemin. Táýekel. Mańdaiǵa jazǵanyn kóremiz...”, – dep jazdy depýtat.
Ol ózine shabýyldaǵandardyń bárine birdei bir ǵana jaýabym bar ekenin alǵa tartady.
“Qadirli aǵaiyn, men de ózderińiz siiaqty kóp pendeniń birimin. Eshkimnen tyǵylyp, eshkimnen qashyp júrgen joqpyn. Qandai da bir aitarlaryńyz bolsa, jaýabyn berýge daiynmyn. Bar armanym elimniń durys ómir súrgenin, otanymnyń gúldengenin kórý ǵana.
Eshbir toptyń aldynda tizerlep keshirim suramaimyn! Óitkeni oǵan sebep kórip turǵan joqpyn. Áleýmettik jeli shýlady eken dep, dirildeitin qorqaqtaryń men emes. Alǵa qoiǵan naqty maqsatymmen josparym bar. Sol jumystardy bitirýim kerek. Májilis minberinen halyqqa bergen antym bar.
Berilgen merzim bes jyl. Sol bes jylymdy halyqtyń múddesin qorǵaýǵa arnaimyn. Basqasy bir jaratqannyń quzyrynda.
Túsinetin shyǵarsyzdar dep oilaimyn”, – deidi Rinat Zaiytov.
Halyq qalaýlysy áleýmettik jeli arqyly hat jazyp, “qorqytpaqshy bolyp jatqan batyrsymaqtar” da bar ekenin meńzeidi. “Senderden shoshyp júretin jaǵdaiym joq. Aptasyna bes kún jumysqa jaiaý baryp, jaiaý kelemin. Qylatyndaryńdy qylyp alyńdar. Oqqaǵarym da, sender aitqan "bratvam" da joq. Sengenim bir Qudai”, – deidi sodan soń depýtat.
Aita keteiik, buǵan deiin Rinat Zaiytov Qazaqstanda eń tómengi ailyq 300 myń teńge bolýy kerek dep málimdegen bolatyn.
