“كەيىنگى ەكى كۇندە ماعان قاراي ەكپىندى اقپاراتتىق جانە پسيحولوگيالىق شابۋىل باستالدى. ونى ءوزىم دە كۇتكەنمىن. سەبەبى، وعان ەتىم ۇيرەنگەن. مۇنداي شابۋىلدار ماعان 2008، 2011، 2019-ىنشى جىلدارى دا جاسالعان. جاسىرمايمىن وڭاي ەمەس. ءبىراق شىداۋعا تۋرا كەلەدى. ەندى سىزدەرگە بۇل تەحنولوگيا قالاي جاساقتالاتىنىن تۇسىندىرۋگە تىرىسايىن. مىسالى وسى جولعى شابۋىلدىڭ تاقىرىبى مەنىڭ ناماز وقىپ ءجۇرىپ الاياقتىق جاسايتىن ادامدار جايلى ايتقان ءسوزىمدى العا تارتىپ، سول ارقىلى قوعامدى ماعان قارسى قويماق. ماقساتى بەلگىلى. ءبىرىنشىسى- مەنى قورقىتۋ، ەكىنشىسى-مەنىڭ جەكە باسىما قاستاندىق جاسالسا، وسى سەبەپتەن ەكەن دەگىزۋ. ءسوز جوق اقىلدى ءجۇرىس. ەكەۋىنىڭ بىرەۋىنە جەتكەنشە ولاردىڭ توقتامايتىنىن دا بىلەمىن. تاۋەكەل. ماڭدايعا جازعانىن كورەمىز...”، – دەپ جازدى دەپۋتات.
ول وزىنە شابۋىلداعانداردىڭ بارىنە بىردەي ءبىر عانا جاۋابىم بار ەكەنىن العا تارتادى.
“ءقادىرلى اعايىن، مەن دە وزدەرىڭىز سياقتى كوپ پەندەنىڭ ءبىرىمىن. ەشكىمنەن تىعىلىپ، ەشكىمنەن قاشىپ جۇرگەن جوقپىن. قانداي دا ءبىر ايتارلارىڭىز بولسا، جاۋابىن بەرۋگە دايىنمىن. بار ارمانىم ەلىمنىڭ دۇرىس ءومىر سۇرگەنىن، وتانىمنىڭ گۇلدەنگەنىن كورۋ عانا.
ەشبىر توپتىڭ الدىندا تىزەرلەپ كەشىرىم سۇرامايمىن! ويتكەنى وعان سەبەپ كورىپ تۇرعان جوقپىن. الەۋمەتتىك جەلى شۋلادى ەكەن دەپ، دىرىلدەيتىن قورقاقتارىڭ مەن ەمەس. العا قويعان ناقتى ماقساتىممەن جوسپارىم بار. سول جۇمىستاردى ءبىتىرۋىم كەرەك. ءماجىلىس مىنبەرىنەن حالىققا بەرگەن انتىم بار.
بەرىلگەن مەرزىم بەس جىل. سول بەس جىلىمدى حالىقتىڭ مۇددەسىن قورعاۋعا ارنايمىن. باسقاسى ءبىر جاراتقاننىڭ قۇزىرىندا.
تۇسىنەتىن شىعارسىزدار دەپ ويلايمىن”، – دەيدى رينات زايىتوۆ.
حالىق قالاۋلىسى الەۋمەتتىك جەلى ارقىلى حات جازىپ، “قورقىتپاقشى بولىپ جاتقان باتىرسىماقتار” دا بار ەكەنىن مەڭزەيدى. “سەندەردەن شوشىپ جۇرەتىن جاعدايىم جوق. اپتاسىنا بەس كۇن جۇمىسقا جاياۋ بارىپ، جاياۋ كەلەمىن. قىلاتىندارىڭدى قىلىپ الىڭدار. وققاعارىم دا، سەندەر ايتقان "براتۆام" دا جوق. سەنگەنىم ءبىر قۇداي”، – دەيدى سودان سوڭ دەپۋتات.
ايتا كەتەيىك، بۇعان دەيىن رينات زايىتوۆ قازاقستاندا ەڭ تومەنگى ايلىق 300 مىڭ تەڭگە بولۋى كەرەك دەپ مالىمدەگەن بولاتىن.
