Mamyrdaǵy kútpegen kezdesýler taǵy da bir laýazymdy tulǵaǵa jolyǵýmen jalǵasty. Bul jolǵy kezdesýdi men de qatty kútkenmin. Sebebi qazirgi Senat Tóraǵasy ult pen tilge, dástúr men tarıhqa óte jaqyn bolýǵa mindetti.
Óıtkeni ol qazaq ádebıeti men aqparattyq quraldarynyń damýyna jarty ǵumyryn arnaǵan Saǵat Áshimbaevtyń uly Máýlen Saǵathanuly Áshimbaev.
Úsh másele boıynsha ǵana oı aıtýǵa múmkindik boldy:
birinshi –Qańtar oqıǵasyna qatysqandarǵa (uıymdastyrý emes) amnıstıa jarıalaý. Bul qazirgi bılik pen halyqtyń túsinisýine jyldam jetkizetin jol.
Ekinshi – til máselesi.
Ágárákı shynymen dál qazir til mártebesin ata zańmen bekitý Qazaqstanda da ultaralyq qaqtyǵysqa ákelýi múmkin bolsa, onda ázirge Memlekettik tildi damytý agenttigin qurý. Egerde memlekettik tildi oqytý, nasıhattaý, onyń mártebesin ósirý bılik tarapynan qadaǵalanyp, qoldaý kórse, onda ary ketse 3-5 jylda Qazaqstan avtomatty túrde jappaı qazaq tilinde sóıleıtinine ábden senemin.
Úshinshisi – bul meniń eń úlken armandarymnyń biri.
Almaty qalasynyń Ál-Farabı kóshesinde jańadan boı kótergen teatrdy Ulttyq Dástúrli óner teatry qylý. Táýelsizdik alǵaly eshqandaı mardymdy qoldaý kórmegen ulttyq ónerdiń tórge shyǵatyn ýaqyty keldi! Bul oıymmen kelispeıtin adam tabylsa kez-kelgen ýaqytta pikir almasýǵa daıynmyn.
Qysqasha aıtqanda osy. Maǵan basy jaman emes sıaqty.
Qańtar oqıǵasynan keıin bılik basyna eldik pen táýelsizdikti shynymen qalaıtyn azamattar kele bastaǵandaı. Buıyrsa besinshi maýsymdaǵy referendýmnan keıin budan da jaqsaratyn shyǵarmyz. Qudaı tilegimdi qabyl etkeı. Jol bolsyn aǵalar. Moıyndaryńyzda batpan júk, aldaryńyzda birtalaı jumys tur. Erteńin búgininen qymbat kóretin Qazaq sizderge úmit artty. Al onyń salmaǵy jeńil emes...
Rınat Zaıtov
aıtysker aqyn, Mádenıet salasynyń úzdigi, «Alataý» dástúrli óner teatry dırektory
