Astana kúnine arnalǵan aıtysta sońǵy kezderi shetkeri qalyp júrgen Rınat Zaıytov bas júldeni ıemdenip, bılik partıasyna bir shýmaq óleń arnady.

Bul týraly nur.kz habarlap otyr.

«Qýantyp, qaýmalaǵan qarashany,

Eki kún jasaı bildik tamashany.

Bıliktegi aǵalar betten almaı,

Sózimizdi tyńdaı bilse jarasady.

Aqyndar men «Nur Otan» birge bolsa,

Qazaqtyń jaman bolmas bolashaǵy», - dedi Rınat Zaıytov.

Eske sala keteıik, atalǵan aıtys kezinde adýyndy aqyn Aıbek Qalıev "Jerdi satpaı, meni sat!" dep janaıqaıyn bildirgen bolatyn.