Bas prokýratýranyń Aktivterdi qaitarý komiteti aktivterdi qaitarý jáne olardy zańdy ekonomikalyq ainalymǵa odan ári tartý boiynsha júieli jáne dáiekti jumysty jalǵastyrýda, dep habarlaidy Dalanews.kz.
Memleket basshysynyń tapsyrmasy boiynsha Úkimet respýblika boiynsha 333 áleýmettik nysan salýdy maquldady.
Bul bastamalar aýmaqtardy damytýǵa keshendi kózqarastyń bir bóligi bolyp tabylady jáne óńirlerdegi ómir súrý deńgeiin arttyrýǵa baǵyttalǵan.
Bizdiń óńirde qaitarylǵan qarajat esebinen densaýlyq saqtaý jáne kommýnaldyq infraqurylymdy jańǵyrtý salalaryndaǵy (Óskemen jáne Ridder qalalarynda, Ulan jáne Shemonaiha aýdandarynda) 7 áleýmettik nysannyń qurylysy maquldandy.
Mysaly, Ridder qalasynda aýrýhana kesheniniń qurylysy 2021 jyldyń jeltoqsanynda bastaldy. Jobanyń jalpy quny - 34,8 mlrd teńge, onyń 11,8 mlrd teńgesi meditsinalyq jabdyqqa bólingen.
Qarjylandyrýdyń bolmaýyna bailanysty jumystar toqtatyldy.
2024 jyly prokýratýra organdarynyń jumysynyń arqasynda arnaýly memlekettik qordan qaitarylǵan aktivter esebinen obektiniń qurylysyn aiaqtaýǵa 28,1 mlrd teńge mólsherinde aqshalai qarajat bólindi.
Keshenge jalpy aýdany 40 106,84 m2 úsh ǵimarat kiredi:
1. Statsionar (5 blok, 3-5 qabat, jalpy aýdany29 563,36 m2) — daiyndyq 40%;
2. Emhana (5 blok, 4 qabat, 400 eresek jáne 100 balaǵa, aýdany 9 991,2 m2) - daiyndyǵy 85%;
3. As blogy (1 qabat, aýdany 627,76 m2) — daiyndyǵy 92%.
Búgingi tańda emhana boiynsha qańqa men qasbet aiaqtaldy, sońǵy kezeńde árleý jumystary, santehnika, kirý tobynyń qurylǵysy aiaqtaldy.
Statsionar boiynsha 100% B blogynda (3 qabat), A blogynda (5 qabat) — 60% jumystar oryndaldy. Monolitti jumystar júrgizilýde, syrtqy qabyrǵalardy qalaý, bólimder salý, árleý jáne qasbettik jumystar bastaldy. Nysanda 300 adamjumys isteidi.
Aiaqtalý merzimi - osy jyldyń sońy.
