باس پروكۋراتۋرانىڭ اكتيۆتەردى قايتارۋ كوميتەتى اكتيۆتەردى قايتارۋ جانە ولاردى زاڭدى ەكونوميكالىق اينالىمعا ودان ءارى تارتۋ بويىنشا جۇيەلى جانە دايەكتى جۇمىستى جالعاستىرۋدا، دەپ حابارلايدى Dalanews.kz.
مەملەكەت باسشىسىنىڭ تاپسىرماسى بويىنشا ۇكىمەت رەسپۋبليكا بويىنشا 333 الەۋمەتتىك نىسان سالۋدى ماقۇلدادى.
بۇل باستامالار اۋماقتاردى دامىتۋعا كەشەندى كوزقاراستىڭ ءبىر بولىگى بولىپ تابىلادى جانە وڭىرلەردەگى ءومىر ءسۇرۋ دەڭگەيىن ارتتىرۋعا باعىتتالعان.
ءبىزدىڭ وڭىردە قايتارىلعان قاراجات ەسەبىنەن دەنساۋلىق ساقتاۋ جانە كوممۋنالدىق ينفراقۇرىلىمدى جاڭعىرتۋ سالالارىنداعى (وسكەمەن جانە ريددەر قالالارىندا، ۇلان جانە شەمونايحا اۋداندارىندا) 7 الەۋمەتتىك نىساننىڭ قۇرىلىسى ماقۇلداندى.
مىسالى، ريددەر قالاسىندا اۋرۋحانا كەشەنىنىڭ قۇرىلىسى 2021 جىلدىڭ جەلتوقسانىندا باستالدى. جوبانىڭ جالپى قۇنى - 34،8 ملرد تەڭگە، ونىڭ 11،8 ملرد تەڭگەسى مەديسينالىق جابدىققا بولىنگەن.
قارجىلاندىرۋدىڭ بولماۋىنا بايلانىستى جۇمىستار توقتاتىلدى.
2024 جىلى پروكۋراتۋرا ورگاندارىنىڭ جۇمىسىنىڭ ارقاسىندا ارناۋلى مەملەكەتتىك قوردان قايتارىلعان اكتيۆتەر ەسەبىنەن وبەكتىنىڭ قۇرىلىسىن اياقتاۋعا 28،1 ملرد تەڭگە مولشەرىندە اقشالاي قاراجات ءبولىندى.
كەشەنگە جالپى اۋدانى 40 106،84 م2 ءۇش عيمارات كىرەدى:
1. ستاسيونار (5 بلوك، 3-5 قابات، جالپى اۋدانى29 563،36 م2) — دايىندىق 40%؛
2. ەمحانا (5 بلوك، 4 قابات، 400 ەرەسەك جانە 100 بالاعا، اۋدانى 9 991،2 م2) - دايىندىعى 85%؛
3. اس بلوگى (1 قابات، اۋدانى 627،76 م2) — دايىندىعى 92%.
بۇگىنگى تاڭدا ەمحانا بويىنشا قاڭقا مەن قاسبەت اياقتالدى، سوڭعى كەزەڭدە ارلەۋ جۇمىستارى، سانتەحنيكا، كىرۋ توبىنىڭ قۇرىلعىسى اياقتالدى.
ستاسيونار بويىنشا 100% ب بلوگىندا (3 قابات)، ا بلوگىندا (5 قابات) — 60% جۇمىستار ورىندالدى. ءمونوليتتى جۇمىستار جۇرگىزىلۋدە، سىرتقى قابىرعالاردى قالاۋ، بولىمدەر سالۋ، ارلەۋ جانە قاسبەتتىك جۇمىستار باستالدى. نىساندا 300 ادامجۇمىس ىستەيدى.
اياقتالۋ مەرزىمى - وسى جىلدىڭ سوڭى.
