A.S.Pýshkin atyndaǵy ámbebap ǵylymi kitaphanasynyń uiymdastyrýymen bastaý alǵan sharanyń maqsaty – rýhaniiattyń qaq ortasynda iaǵni Túrkistannyń tórinde jańadan ashylǵan elimizde teńdesi joq «Farab» kitaphanasyn oblysqa tanystyrý. Óńirlerge Túrkistannyń ortalyǵyndaǵy rýhaniiattyń naǵyz bastaýy osy «Farab» kitaphanasy ekenin dáripteý.
Atalmysh aktsiia aiasynda Túrkistan oblysyna qarasty aýdandyq, qalalyq ortalyqtandyrylǵan kitaphanalar júiesi belgilengen kestege sáikes, ár aptanyń senbi kúni «Farab» kitaphanasynda ádebi-mádeni, kásibi is-sharalaryn uiymdastyrady.
«Rýhani kerýen Túrkistanda» oblystyq aktsiiasyn alǵash Sairam aýdanynan bastaý aldy. Is-sharany Túrkistan qalalyq ardagerler uiymy keńesiniń tóraǵasy Túrkistan oblysy men qalasynyń qurmetti azamaty J.Qulbaiymbetov pen Túrkistan oblysynyń ardagerler keńesiniń tóraǵa orynbasary E. Nurjanov ashyp berip, igi bastamaǵa sáttilik tiledi.
Úsh bólimnen turatyn is-shara faedegi kitap kórmesimen tanystyrylyp, úlken sahnada «Tóremuratov Túrkistan tórinde» atty kezdesý keshiniń keiipkeri Qazaqstan Jýrnalister odaǵynyń múshesi, aqyn Nurǵisa Turdymuratulynyń shyǵarmashylyq keshimen jalǵasyn tapty.
«Rýhani kerýen Túrkistanda» atty aktsiianyń berilgen sharty boiynsha Sairam aýdandyq balalar kitaphanasynyń kitaphanashylary men oqyrmandary «Biz bolashaq kitahanashymyz!» bibliokrýiz is-sharasyn usyndy.
Rýhani kóshti ekinshi aptada Ordabasy aýdany tizgindedi. Is-shara qazaqtyń salt-dástúrine negizdelip, aq jaýlyqty ájelerimizdiń shashýymen jáne Túrkistan qalalyq ardagerler keńesiniń tóraǵasy – J.Qulbaiymbetov, Túrkistan qalalyq ardagerler keńesiniń múshesi – I.Shara jáne aqyn, jazýshy – N.Begalyuly, Ordabasy aýdandyq Mádeniet jáne tilderdi damytý bóliminiń meńgerýshisi – Q.Jylqybaidyń lenta qiiý rásimimen bastaldy.
Ordabasylyq kitaphanashylar óz kezeginde arnaý óleńderin, kitap jáne qolóner kórmelerin, úsh júzdi biriktirgen Ordabasy jiynyna 295 jyl tolýyna orai ázirlegen tarihi kórinisin jáne qazaq palýany – Qajymuhan Muńaitpasulynyń týylǵanyna 150 jyl tolýyna arnaǵan áserli beinelerin kórermenge usyndy.
Sonymen qatar úlken sahna tórinde aqyn, jazýshy Narmahan Begalyulymen kezdesý keshi uiymdastyryldy. Aqyn óleńderin jatqa aitqan oqýshylar men ánshiler óz ónerlerin pash etti.
Is-shara sońynda Ordabasy aýdandyq mádeniet jáne tilderdi damytý bóliminiń meńgerýshisi Q.Jylqybai, Túrkistan qalasy áielder alqasynyń tóraiymy – U.Mustafaeva jáne Túrkistan oblystyq ámbebap ǵylymi kitaphanasynyń direktor orynbasary J.Amanjolova sóz sóilep, is-sharaǵa at terletip kelgen qonaqtar men oqyrmandarǵa alǵystaryn bildirdi.
