ا.س.پۋشكين اتىنداعى امبەباپ عىلىمي كىتاپحاناسىنىڭ ۇيىمداستىرۋىمەن باستاۋ العان شارانىڭ ماقساتى – رۋحانياتتىڭ قاق ورتاسىندا ياعني تۇركىستاننىڭ تورىندە جاڭادان اشىلعان ەلىمىزدە تەڭدەسى جوق «فاراب» كىتاپحاناسىن وبلىسقا تانىستىرۋ. وڭىرلەرگە تۇركىستاننىڭ ورتالىعىنداعى رۋحانياتتىڭ ناعىز باستاۋى وسى «فاراب» كىتاپحاناسى ەكەنىن دارىپتەۋ.
اتالمىش اكسيا اياسىندا تۇركىستان وبلىسىنا قاراستى اۋداندىق، قالالىق ورتالىقتاندىرىلعان كىتاپحانالار جۇيەسى بەلگىلەنگەن كەستەگە سايكەس، ءار اپتانىڭ سەنبى كۇنى «فاراب» كىتاپحاناسىندا ادەبي-مادەني، كاسىبي ءىس-شارالارىن ۇيىمداستىرادى.
«رۋحاني كەرۋەن تۇركىستاندا» وبلىستىق اكسياسىن العاش سايرام اۋدانىنان باستاۋ الدى. ءىس-شارانى تۇركىستان قالالىق ارداگەرلەر ۇيىمى كەڭەسىنىڭ ءتوراعاسى تۇركىستان وبلىسى مەن قالاسىنىڭ قۇرمەتتى ازاماتى ج.قۇلبايىمبەتوۆ پەن تۇركىستان وبلىسىنىڭ ارداگەرلەر كەڭەسىنىڭ ءتوراعا ورىنباسارى ە. نۇرجانوۆ اشىپ بەرىپ، يگى باستاماعا ساتتىلىك تىلەدى.
ءۇش بولىمنەن تۇراتىن ءىس-شارا فاەدەگى كىتاپ كورمەسىمەن تانىستىرىلىپ، ۇلكەن ساحنادا «تورەمۇراتوۆ تۇركىستان تورىندە» اتتى كەزدەسۋ كەشىنىڭ كەيىپكەرى قازاقستان جۋرناليستەر وداعىنىڭ مۇشەسى، اقىن نۇرعيسا تۇردىمۇرات ۇلىنىڭ شىعارماشىلىق كەشىمەن جالعاسىن تاپتى.
«رۋحاني كەرۋەن تۇركىستاندا» اتتى اكسيانىڭ بەرىلگەن شارتى بويىنشا سايرام اۋداندىق بالالار كىتاپحاناسىنىڭ كىتاپحاناشىلارى مەن وقىرماندارى «ءبىز بولاشاق كىتاحاناشىمىز!» بيبليوكرۋيز ءىس-شاراسىن ۇسىندى.
2021 جىلى – بالالار ادەبيەتى جىلى اياسىندا سايرام اۋداندىق ورتالىق كىتاپحاناسى «ەرتەگىلەر ەلىنە ەرىتەمىز» تاسپا جيناعىن شىعارعان. تاسپانىڭ تۇساۋىن تۇركىستان قالالىق ارداگەرلەر ۇيىمى كەڭەسىنىڭ ءتوراعاسى، تۇركىستان وبلىسى مەن قالاسىنىڭ قۇرمەتتى ازاماتى ج. قۇلبايىمبەتوۆ جانە ق.ر مادەنيەت قايراتكەرى، تۇركىستان قالاسى ايەلدەر القاسىنىڭ ءتورايىمى ۇ. مۇستافاۆا شەشتى.
رۋحاني كوشتى ەكىنشى اپتادا ورداباسى اۋدانى تىزگىندەدى. ءىس-شارا قازاقتىڭ سالت-داستۇرىنە نەگىزدەلىپ، اق جاۋلىقتى اجەلەرىمىزدىڭ شاشۋىمەن جانە تۇركىستان قالالىق ارداگەرلەر كەڭەسىنىڭ ءتوراعاسى – ج.قۇلبايىمبەتوۆ، تۇركىستان قالالىق ارداگەرلەر كەڭەسىنىڭ مۇشەسى – ي.شارا جانە اقىن، جازۋشى – ن.بەگالى ۇلى، ورداباسى اۋداندىق مادەنيەت جانە تىلدەردى دامىتۋ ءبولىمىنىڭ مەڭگەرۋشىسى – ق.جىلقىبايدىڭ لەنتا قيۋ راسىمىمەن باستالدى.
ورداباسىلىق كىتاپحاناشىلار ءوز كەزەگىندە ارناۋ ولەڭدەرىن، كىتاپ جانە قولونەر كورمەلەرىن، ءۇش ءجۇزدى بىرىكتىرگەن ورداباسى جيىنىنا 295 جىل تولۋىنا وراي ازىرلەگەن تاريحي كورىنىسىن جانە قازاق پالۋانى – قاجىمۇحان مۇڭايتپاس ۇلىنىڭ تۋىلعانىنا 150 جىل تولۋىنا ارناعان اسەرلى بەينەلەرىن كورەرمەنگە ۇسىندى.
سونىمەن قاتار ۇلكەن ساحنا تورىندە اقىن، جازۋشى نارماحان بەگالىۇلىمەن كەزدەسۋ كەشى ۇيىمداستىرىلدى. اقىن ولەڭدەرىن جاتقا ايتقان وقۋشىلار مەن انشىلەر ءوز ونەرلەرىن پاش ەتتى.
ءىس-شارا سوڭىندا ورداباسى اۋداندىق مادەنيەت جانە تىلدەردى دامىتۋ ءبولىمىنىڭ مەڭگەرۋشىسى ق.جىلقىباي، تۇركىستان قالاسى ايەلدەر القاسىنىڭ ءتورايىمى – ۇ.مۇستافايەۆا جانە تۇركىستان وبلىستىق امبەباپ عىلىمي كىتاپحاناسىنىڭ ديرەكتور ورىنباسارى ج.امانجولوۆا ءسوز سويلەپ، ءىس-شاراعا ات تەرلەتىپ كەلگەن قوناقتار مەن وقىرماندارعا العىستارىن ءبىلدىردى.
ايتا كەتەيىك، «رۋحاني كەرۋەن تۇركىستاندا» اكسياسى 2021 جىلدىڭ جەلتوقسان ايىنىڭ سوڭعى اپتالارىنا دەيىنگى ۋاقىتتى قامتيدى. اكسياعا وڭىرلەردەگى 1 وبلىستىق بالالار كىتاپحاناسى، 17 اۋداندىق ورتالىق كىتاپحانالار، جالپى وبلىس بويىنشا وقىرماندارعا قىزمەت كورسەتىپ وتىرعان 393 كىتاپحانا اتسالىساتىن بولادى. ءسالت-داستۇردى دارىپتەيتىن، ادەبيەت مايتالماندارىنىڭ مەرەيىن اسقاقتاتىن وبلىستىق ءىس-شارا «وڭتۇستىكفيلم» مەكەمەسىنىڭ قولداۋىمەن، سونىمەن قاتار الەۋمەتتىك جەلىلەردە، «تۇركىستان» تەلەارناسى ارقىلى حالىققا كەڭىنەن ناسيحاتتالاتىن بولادى.
