Rýhani jańǵyrý men patriottyq tárbie
Bul jańǵyrý – egemen, táýelsiz elimizdiń bolashaǵy men keleshegi úshin jasalǵan eń úlken jumys. Sonyń ishinde kitaphanashylar jastarǵa bilim berip, olardy patriottyqqa tárbieleý, boiyna adami qundylyqtardy sińirý, barshamyzdyń mindetimiz. Iaǵni týǵan elimiz, jerimiz úshin de óte mańyzdy.
Patriottyq tárbieniń basty maqsaty – elimizdiń táýelsizdigi men egemendigin, tynyshtyq pen beibitshilikti saqtaityn, ultaralyq mádenietti damytatyn, elimizdiń rámizderine qurmetpen qaraityn, álemdik deńgeidegi beibitshilik pen órkeniettilikke óz úlesin qosatyn adamgershilik muraty biik patriot, qaisar, jigerli jas urpaqty tárbieleý.
Elimizdiń bolashaǵy – jas urpaqty tárbieleýde birinshi besik - otbasy, ata-ana tárbiesi bolsa, ekinshi besik – bilim berý mekemesi jáne kitaphana.
U.Qulymbetov atyndaǵy №64 jalpy bilim beretin orta mekteptiń uiymdastyrýymen «Rýhani patriottyq - býkkrossing» atty qalalyq seminar ótti.
Seminardyń maqsaty: Rýhani bailyǵymyz tilimizdi, dinimizdi, salt-dástúrimizdi oqýshy sanasyna sińirý, patriottyq sezimderin oiatý, kórkem ádebietterdiń oqylymnan shyǵyp qalmai, óz oqyrmanyn tabýyna yqpal etý, oqyrmandardyń kitap oqýǵa degen súiispenshiligin arttyrý.
Qalalyq seminarda S.Jienbaev atyndaǵy oblystyq jasóspirimder kitaphanasynyń qyzmetkeri Qainaqaeva Azatgúl «Rýhani jańǵyrý men patriottyq tárbie» taqyrybynda baiandama oqyp, slaid kórsetip, sharaǵa óz úlesterin qosty.
Adamzattyń asyl murattary qaita gúldep, mádeniet dárejesi men bilimdilik deńgeii qoǵamnyń órkendeýiniń basty ólshemine ainalyp otyrǵan jańa ǵasyrda jas urpaqty otansúigishtikke tárbieleýdiń mańyzy artyp keledi.
Bibigúl ShAMEDENOVA, S.Jienbaev atyndaǵy oblystyq jasóspirimder kitaphanasynyń qyzmetkeri.
Aqtóbe qalasy.
