Rýhani jańǵyrý – jalpyulttyq ustanym
Sessiiaǵa oblys ákimi, Jambyl oblysy Qazaqstan halqy Assambleiasynyń tóraǵasy Kárim Kókirekbaev qatysyp, baiandama jasady. Óńir basshysy Elordamyz – Astana qalasynda Elbasynyń tóraǵalyǵymen ótken Qazaqstan halqy Assambleiasynyń kezekti HHV sessiiasynda kóterilgen máselelerdiń mán-mańyzyna toqtaldy. «Jańǵyrýdyń negizi – turaqtylyq, birlik, kelisim» taqyrybyn ózek etken sessiianyń eldiń saiasi-ekonomikalyq, mədeni-rýhani ómirine taǵy da bir serpilis ákelgenin qozǵady. Prezident atap kórsetkendei, Assambleia qyzmetin jańa sapalyq deńgeige kóterý qajettigin aityp ótti.
– Sessiiada sóilegen sózinde Memleket basshysy Qazaqstan halqy Assambleiasynyń rýhani jańǵyrýǵa belsene atsalysatynyna senim bildirip, Assambleia múshelerine óz áleýetin iske asyrýǵa múmkindik beretin birqatar jobaǵa toqtalyp ótti. «Týǵan jer» jobasy Assambleia úshin zor múmkindikterge jol ashyp beredi. Ekinshi. Qazaqstannyń «100 jańa esimi» jobasyna Assambleia tikelei qatysyp, basy-qasynda júrýi kerek. Bizdiń qanshama zamandastarymyz, qanshama Assambleia belsendileri el igiligi úshin riiasyz qyzmet etip júr. Ultyna, qai óńirden ekenine qaramastan, biz olardyń barlyǵyn elge tanyta bilýimiz kerek», – dei kele, bizdiń aldymyzǵa úlken mindetter qoiyp, birneshe mańyzdy jobany iske asyrýdy tapsyrdy. Sondyqtan, búgingi basqosýymyzdyń negizgi maqsaty – júktelgen mindetterdi júieli túrde júzege asyrý joldaryn aiqyndaý, – dedi Kárim Násbekuly.
Oblys basshysy «Týǵan jer», «Qazaqstannyń 100 jańa esimi», «Qazaqstannyń álemdegi qazirgi zamanǵy mádenieti», «Jańa gýmanitarlyq bilim. Qazaq tilindegi 100 oqýlyq» jobalarynyń qandai rýhani serpilis ákelgenin atap ótip, «Uly Dala tarihy» mádeni-tarihi ekspeditsiiasynyń atqarǵan jumysyna toqtaldy. Kieli Jambyl jerindegi tarihi eskertkishter – Aqtóbe – Balasaǵun, Kulan, Órnek, Kostóbe, Aqyrtas sekildi 5 tarihi-mádeni muramyzdyń IýNESKO tizimine engeni búkil ulttyń maqtanyshy ekenin aityp, sońǵy on jylda osy óńirde týyp-ósken azamattardyń demeýshiligimen on sporttyq nysan boi kótergenin sóz etti.
Jiynda Taraz qalasyndaǵy «Zolotoi karavan» týristik ortalyǵynyń direktory Albina Veimer EKSPO-2017 halyqaralyq kórmesi aiasynda oblystyń tarihi-mádeni oryndaryn nasihattaý baǵytynda atqarylyp jatqan sharalardy tilge tiek etti. Merki aýdanyndaǵy «Bahor» sharýa qojalyǵynyń múshesi, aýdandyq máslihattyń depýtaty Babyr Hasanbaev Ulttyq birlik pen kelisim negizinde Jalpyǵa Ortaq Eńbek Qoǵamyn qurý kerek ekenin aityp, óziniń qolǵa alǵan jumystaryn baiandady.
– Biz, T.Rysqulov jáne Merki aýdandarynyń 47 sharýa qojalyǵy birigip, «Merki ónimderi» aýyl sharýashylyǵy óndiristik kooperativin qurdyq. Bul da halyqtyń yntymaǵynan bastaý alatyn yrzyǵy mol istiń kepili dep bilemin. Kooperativke birigý arqyly, memlekettik qoldaýlardyń jeńildetilgen túrlerin paidalaný múmkindigi týdy. Bul birigýdiń mańyzyn nesie jáne lizingpen tehnika alǵanda jiti túsindik. Bizdiń «Bahor» sharýa qojalyǵy byltyr «Yrys» baǵdarlamasy arqyly 35 million teńgege Reseiden 100 asyl tuqymdy iri qara alǵanbyz, búgingi kúni onyń sanyn 208-ge jetkizdik, – deidi ol.
Jandúnieniń tazalyǵy, rýhani birlik degen osy shyǵar. Talas aýdanynyń turǵyny, kóp balaly ana Ýliana Kim ul-qyzynyń 5-eýin balalar úiinen asyrap alǵan eken. Al 4-eýi ápkesiniń balalary kórinedi. Otbasylyq qundylyqtardy eń qasterli uǵym dep sanaityn ana úshin ana men bala arasyndaǵy qarym-qatynastan asqan mańyzdy eshnárse joq. Jiynda ol osyny aitty.
Qordai aýdanyndaǵy «Bereke» gýmanitarlyq-tehnikalyq kolledji direktorynyń tárbie isi jónindegi orynbasary Kamilia Dýrgalova oi-óre keń bolýy úshin til úirený qajet deidi. «Altyn uia mektebimdi aiaqtaǵan soń, mamandyq tańdaýda kóp oilanǵan joqpyn. Elbasymyzdyń bizge arnaǵan ár sózderinen meniń sanama sińgeni tilderdi meńgerý boldy. Sóitip, «shet tilder men mádenietin oqytýdyń teoriiasy men ádistemesi» mamandyǵyn tańdap, oqý ornyna tústim. Memlekettik tilmen qatar, aǵylshyn, orys, túrik tilderin jetik meńgerdim», dei kele memlekettik jastar saiasaty sheńberinde atqarylyp jatqan jáne ózi jetekshilik etetin aýdandyq etnomádeni ortalyqtyń jumysyna qysqasha toqtaldy. Sarysý aýdany ákiminiń orynbasary Dinara Asanova jáne Talas aýdanyndaǵy Qasqabulaq aýyldyq okrýginiń ákimi Sýlhadin Mýstafaev «100 naqty qadam» – Ult josparynyń 4-shi baǵytynyń oryndalýy týraly baiandama jasap, qoǵamdyq kelisim men turaqtylyqty saqtaý boiynsha qolǵa alǵan sharalardyń jaiyn sóz etti. Sessiia sońynda ózbek etnomádeni birlestiginiń tóraǵasy B.Mýminov Jambyl oblysy Qazaqstan halqy Assambleiasynyń tóraǵasynyń qoǵamdyq orynbasary bolyp sailandy.
Nurym Syrǵabaev
«Aq jol» gazeti
