Zamanaýi nysandy jergilikti kásipker Elbasynyń «Rýhani jańǵyrý» baǵdarlamasy aiasynda qolǵa alyp, týǵan aýylyna tartý etken.
Jalpy, aýdan boiynsha 16 memlekettik, 181 jekemenshik balabaqsha jumys istep tur. Bularda 22 myńnan astam bala tárbielenedi. Jibek joly aýylynda ashylǵan balamasy joq balabaqshaǵa baratyn balalar qandai baqytty dersiz. Óitkeni zaman talabyna sai salynǵan ǵimarattyń ishinde balaǵa qajettiniń bári bar. Búldirshinder úsh tilde bilim alyp, jan-jaqty damidy.
Munda 3 kontsert, 2 sport zaly, bi, gimnastika alańdary bar. Sondai-aq logoped, defektolog, psiholog bólmeleri jumys isteidi. Oiyn alańdary men jatyn bólmeleri de erekshe. Kóz tartar keremettiń bári búldirshinderdiń qýanyshy úshin jasalǵan. Balabaqsha 450 orynǵa laiyqtalǵan. Qazir munda 18 top jasaqtalǵan. 75 aýyl turǵyny turaqty jumyspen qamtyldy.
Tsifrlyq júie engizilgen balabaqsha ǵimaratynyń barlyq bólmeleri beinebaqylaý kameralarymen qamtylǵan. 152 baqylaý qurylǵysy táýlik boiy balalardyń qaýipsizdigin qadaǵalaidy. Bir jerden basqarylatyn habarlaǵysh júie engizilgen.
"Balabaqsha jekemenshik bolǵanymen, ata-analardyń qaltasyna salmaq salmaidy", – deidi balabaqsha basshylyǵy. Joba Elbasynyń «Rýhani jańǵyrý» baǵdarlamasy jáne biznestiń áleýmettik jaýapkershiligi aiasynda iske asyrylǵan. Quny 1,1 mlrd teńge bolatyn balabaqshany jergilikti kásipker óz qarjysyna saldyryp, el igiligine usynypty.
