36 jastaǵy Rýstam Alpysbaev Jetisý óńiriniń ideologiia salasyna jaýap beredi. Oblystyq Ishki saiasat basqarmasyna basshylyq etkende aimaqtyń media salasyna barynsha kóńil bólindi.
Túrli is-sharalar, aqparattyq, dúnie tanymdyq jobalar iske asyryldy. Atap aitqanda #TaldyParis, Han táńiri, Muqylai jobalary, Orbulaq tarihi shaiqasynyń rekonstrýktiialyq qoiylymy sekildi iri sharalar aimaq jurtynyń áli esinde.
Alpysbaev Rýstam Áliuly 1984 jyly týǵan.
Ál-Farabi atyndaǵy Qazaq ulttyq ýniversitetin shyǵystaný mamandyǵy boiynsha (bakalavr, magistratýra, doktorantýra), I. Jansúgirov atyndaǵy memlekettik ýniversitetin qarjy mamandyǵy boiynsha bitirgen. Filosofiia doktory (PhD).
Birqatar ǵylymi zertteý kitaptarynyń avtory jáne birlesken avtory.
Eńbek jolyn Almaty qalasynda «Delovaia nedelia» gazetiniń tilshisi bolyp bastaǵan.
Keiin Centralasiaonlaine.com saitynda frilanser, «Kaspii» Orta Aziia men Kavkazdaǵy etnomádeni jáne geosaiasi zertteýler jýrnalynyń Qazaqstandaǵy resmi ókili, «Delovaia nedelia» gazetiniń halyqaralyq bóliminiń redaktory, ál-Farabi atyndaǵy Qazaq ulttyq ýniversitetiniń Shyǵystaný fakýltetiniń oqytýshysy, «Delovaia nedelia» gazeti bas redaktorynyń orynbasary, Taldyqorǵandaǵy «Jetisý jastary» MQKK direktory, I. Jansúgirov atyndaǵy JMÝ-dyń jýrnalistika kafedrasynyń oqytýshysy, Eskeldi aýdany Qainarly aýyldyq okrýginiń ákimi, Almaty oblysynyń jastar saiasaty máseleleri jónindegi basqarmasynyń basshysy, «QR Prezidenti janyndaǵy Memlekettik basqarý akademiiasynyń» Almaty oblysy boiynsha filialynyń oqytýshysy boldy.
2016 jyldyń mamyrynan – Almaty oblysynyń ishki saiasat basqarmasyna basshylyq etti.
"Qala men Dala" jáne Dalanews.kz redaktsiiasynyń ujymy Rýstam Áliulyn laýazymdy qyzmetke taǵaiyndalýymen shyn júrekten quttyqtaidy.
