36 جاستاعى رۋستام الپىسبايەۆ جەتىسۋ ءوڭىرىنىڭ يدەولوگيا سالاسىنا جاۋاپ بەرەدى. وبلىستىق ىشكى ساياسات باسقارماسىنا باسشىلىق ەتكەندە ايماقتىڭ مەديا سالاسىنا بارىنشا كوڭىل ءبولىندى.
ءتۇرلى ءىس-شارالار، اقپاراتتىق، دۇنيە تانىمدىق جوبالار ىسكە اسىرىلدى. اتاپ ايتقاندا #TaldyParis، حان ءتاڭىرى، مۇقىلاي جوبالارى، وربۇلاق تاريحي شايقاسىنىڭ رەكونسترۋكتيالىق قويىلىمى سەكىلدى ءىرى شارالار ايماق جۇرتىنىڭ ءالى ەسىندە.
الپىسبايەۆ رۋستام ءالي ۇلى 1984 جىلى تۋعان.
ءال-فارابي اتىنداعى قازاق ۇلتتىق ۋنيۆەرسيتەتىن شىعىستانۋ ماماندىعى بويىنشا (باكالاۆر، ماگيستراتۋرا، دوكتورانتۋرا)، ءى. جانسۇگىروۆ اتىنداعى مەملەكەتتىك ۋنيۆەرسيتەتىن قارجى ماماندىعى بويىنشا بىتىرگەن. فيلوسوفيا دوكتورى (PhD).
ءبىرقاتار عىلىمي زەرتتەۋ كىتاپتارىنىڭ اۆتورى جانە بىرلەسكەن اۆتورى.
ەڭبەك جولىن الماتى قالاسىندا «دەلوۆايا نەدەليا» گازەتىنىڭ ءتىلشىسى بولىپ باستاعان.
كەيىن Centralasiaonlaine.com سايتىندا فريلانسەر، «كاسپيي» ورتا ازيا مەن كاۆكازداعى ەتنومادەني جانە گەوساياسي زەرتتەۋلەر جۋرنالىنىڭ قازاقستانداعى رەسمي وكىلى، «دەلوۆايا نەدەليا» گازەتىنىڭ حالىقارالىق ءبولىمىنىڭ رەداكتورى، ءال-فارابي اتىنداعى قازاق ۇلتتىق ۋنيۆەرسيتەتىنىڭ شىعىستانۋ فاكۋلتەتىنىڭ وقىتۋشىسى، «دەلوۆايا نەدەليا» گازەتى باس رەداكتورىنىڭ ورىنباسارى، تالدىقورعانداعى «جەتىسۋ جاستارى» مقكك ديرەكتورى، ءى. جانسۇگىروۆ اتىنداعى جمۋ-دىڭ جۋرناليستيكا كافەدراسىنىڭ وقىتۋشىسى، ەسكەلدى اۋدانى قاينارلى اۋىلدىق وكرۋگىنىڭ اكىمى، الماتى وبلىسىنىڭ جاستار ساياساتى ماسەلەلەرى جونىندەگى باسقارماسىنىڭ باسشىسى، «ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ» الماتى وبلىسى بويىنشا فيليالىنىڭ وقىتۋشىسى بولدى.
2016 جىلدىڭ مامىرىنان – الماتى وبلىسىنىڭ ىشكى ساياسات باسقارماسىنا باسشىلىق ەتتى.
"قالا مەن دالا" جانە Dalanews.kz رەداكسياسىنىڭ ۇجىمى رۋستام ءاليۇلىن لاۋازىمدى قىزمەتكە تاعايىندالۋىمەن شىن جۇرەكتەن قۇتتىقتايدى.
