«Qazaqmys korporatsiiasy» JShS Basqarma tóraǵasy Rýslan Óskenáli jumys saparymen «Jomart» kenishine baryp, óndiristik jumystyń barysymen jáne ónerkásiptik qaýipsizdikti arttyrýǵa baǵyttalǵan is-sharalardyń júzege asyrylýymen tanysty. Búginde kenishte shamamen 1 200 adam jumys isteidi. Munda jylyna shamamen 3 845 myń tonna ken óndiriledi, dep habarlaidy dalanews.kz.
Jumys sapary barysynda Rýslan Óskenáli burǵylaý jáne ken óndirý ýchaskelerinde bolyp, óndiristik úderistiń uiymdastyrylýymen, jabdyqtyń jai-kúiimen jáne qaýipsizdik talabynyń saqtalýymen tanysty.
Kenish atmosferasyn turaqty baqylaý jumystyń negizgi baǵyttarynyń biri bolyp qala beredi. Statsionarlyq gaz taldaǵyshtar táýlik boiy aýa quramyn qadaǵalap, alynǵan derekti naqty ýaqyt rejiminde biryńǵai dispetcherlik ortalyqqa jiberedi. Buǵan qosa kenishte 130 portativti gaz taldaǵysh qoldanylady.
Ózdiginen júretin jerasty tehnikasyna statsionarlyq gaz datchigi – metan-rele ornatylýda. Qazirgi ýaqytta 31 qurylǵy ornatyldy, taǵy 31 tehnikaǵa montajdaý jumysy júrgizilyp jatyr. Jumys tolyq aiaqtalǵannan keiin 62 tehnika birligi metandy avtomatty baqylaý júiesimen jabdyqtalady. Metan kontsentratsiiasy belgilengen shekti deńgeige jetken kezde júie jabdyqtyń jumysyn avtomatty túrde buǵattaidy.
Kenishtiń jeldetý júiesin jańǵyrtý jumysy jalǵasýda. Negizgi jeldetý qondyrǵylaryna kúrdeli jóndeý júrgizilgennen keiin onyń ónimdiligi sekýndyna 200 tekshe metrge artty. 600 metrge deiingi tereńdikke taza aýa jetkizýge arnalǵan jańa jeldetý uńǵymasyn burǵylaý jumysy aiaqtaldy. Sonymen qatar biyl jekelegen taý-ken qazbalaryn oqshaýlanǵan jeldetýmen qamtamasyz etip, jeldetý júiesiniń turaqtylyǵyn arttyratyn úshinshi jeldetý oqpanynyń qurylysy jalǵasyn tabýda.
Baǵdarlamanyń taǵy bir mańyzdy baǵyty – ǵylymi-tehnikalyq jáne geomehanikalyq súiemeldeý. Kenishte gazdyń bólinýi, taý jynysy massiviniń jaǵdaiy, sondai-aq sý men kenniń quramy boiynsha zertteý júrgizý úshin osy saladaǵy ǵylymi jáne saraptamalyq uiymdar tartyldy. 2026 jylǵy shildede jerasty taý-ken qazbalarynyń jai-kúiin baqylaýdyń qoldanystaǵy quraldaryn tolyqtyratyn biryńǵai tsifrlyq geomehanikalyq monitoring júiesi iske qosyldy.
Jumyskerlerdiń ornalasqan jerin baqylaý júiesi de jetildirilýde. Kenishte pozitsiialaý jáne apattyq habar berý júiesiniń jumysyn qamtamasyz etetin uzyndyǵy 15,5 shaqyrym sáýle taratqysh kabel paidalanylady.
Barlyq is-shara óndiristik qaýipsizdikti arttyrýǵa baǵyttalǵan keshendi baǵdarlama aiasynda júzege asyrylýda. Baǵdarlama 45 is-sharany qamtidy, búgingi tańda onyń 39-y oryndaldy. Baǵdarlamany iske asyrýǵa bólingen qarjynyń jalpy kólemi 2,7 mlrd teńgeni quraidy.
