Prezidentiniń kómekshisi – prezidenttiń baspasóz hatshysy Rýslan Jeldibai Aqordadaǵy kadrlyq aýys-túiisterdi túsindirdi, dep habarlaidy Dalanews.kz.
Rýslan Jeldibaidyń sózinshe, keiingi kadrlyq ózgeristerge bailanysty BAQ ókilderinen kóptegen saýal túse bastaǵan.
"Eń aldymen, myna máseleni basa aitý kerek, bul – ádettegi kadrlyq rotatsiia. Negizgi maqsat – memlekettik júiedegi eń mańyzdy baǵyttardyń tiimdiligin kúsheitý. Memleket basshysy jýyrdaǵy Joldaýynda ulttyq ekonomikaǵa túsetin investitsiia kólemin arttyrýdy basym mindettiń biri retinde belgiledi", - deidi Rýslan Jeldibai.
Bul mańyzdy sala tájiribeli diplomat Murat Nurtileýge júkteldi.
"Prezidenttiń kómekshisi retinde ol halyqaralyq investitsiialyq jáne saýda yntymaqtastyǵyn ilgeriletý maqsatynda shet memleketterdiń joǵary deńgeidegi ókilderimen, sondai-aq álemdik iri kompaniialardyń jetekshilerimen bailanysty damytady", - deidi prezidenttiń kómekshisi.
Memleket basshysynyń Jarlyǵymen Jaslan Mádiev Premer-ministrdiń orynbasary – Jasandy intellekt jáne tsifrlyq damý ministri bolyp taǵaiyndaldy. Vedomstvo basshysy Joldaýda aitylǵan Qazaqstandy tsifrlyq memleketke ainaldyrý jónindegi maqsatty iske asyrýmen shuǵyldanady. Prezident ministrge strategiialyq mańyzy zor jumysty atqarýǵa qatysty baǵyt-baǵdar berdi.
Sonymen qatar Premer-ministrdiń kelisimi boiynsha Májilis depýtaty Juldyz Súleimenovany Oqý-aǵartý ministri laýazymyna taǵaiyndaý týraly sheshim qabyldandy. Jańa ministr qoǵamdaǵy belsendi qyzmetimen jáne bilim berý salasyndaǵy mol tájiribesimen belgili.
