Áleýmettik jelide Qostanai oblysyndaǵy Rýdnyi qalasynyń birqatar kóshesi men alańyna berilgen keńestik ataýlardy ózgertý máselesi kóterildi. Facebook belsendisi Asylbek Dárkembaiuly Qazaqstan táýelsizdik alǵanyna 30 jyldan assa da, qalada keńestik kezeńniń ideologiialyq ataýlary áli kúnge deiin saqtalyp otyrǵanyn synǵa aldy, dep habarlaidy dalanews.kz.
Avtordyń aitýynsha, Rýdnyi qalasynda Ýritskii tuiyq kóshesi, Pavel Korchagin jáne Liza Chaikina kósheleri, sondai-aq Lenin men Komsomol alańdary bar.
"Táýelsiz el bolǵanymyzǵa 30 jyldan assa da, Qostanai oblysyndaǵy Rýdnyi qalasy áli kúnge deiin keńestik ideologiianyń tutqynynda turǵandai. Kartany ashyp qarasańyz, jaǵańyzdy ustaisyz", – delingen jazbada.
Jariialanymda Ýritskii tuiyq kóshesine qatysty da másele kóterilgen. Avtor Moisei Ýritskiidiń Petrograd tótenshe komissiiasyn basqarǵanyn atap ótip, onyń esiminiń Qazaqstan qalasyndaǵy kóshege berilýin orynsyz dep sanaidy.
Sondai-aq Rýdnyida jazýshy Nikolai Ostrovskiidiń «Qurysh qalai shynyqty» romanyndaǵy oidan shyǵarylǵan keiipker Pavel Korchaginniń atymen kóshe atalǵanyna nazar aýdarylǵan.
«Ómirde múlde bolmaǵan adam. Keńestik nasihatqa arnalǵan romannyń oidan shyǵarylǵan keiipkeri. Kóshe atyn berýge óz tarihymyzda tulǵa taýsyldy ma?» – dep jazdy avtor.
Ol Liza Chaikina kóshesiniń ataýyn da synǵa alyp, atalǵan tulǵanyń Qazaqstan nemese Rýdnyi qalasynyń tarihyna qandai qatysy bar ekenin surady. Budan bólek, qalanyń negizgi eki alańy áli kúnge deiin Lenin men Komsomoldyń atymen atalatynyn jetkizdi.
Jazba avtory Rýdnyidaǵy Marite Bejite kóshesiniń tarihyna jeke toqtalǵan. Onyń málimetinshe, 1959 jyly litvalyq boijetken eki qazaq qyzyn júk kóliginiń astynan qutqaryp, ózi qaza tapqan. Avtor bul oqiǵany ideologiiamen emes, adam ómirin saqtap qalǵan shynaiy erlikpen bailanystyrady.
"Qalǵan ideologiialyq sarqynshaqtardan qashan arylamyz? Óz tarihymyzdaǵy tulǵalardyń nemese beitarap, ádemi ataýlardy qoiatyn ýaqyt áldeqashan keldi", – dep qorytyndylady ol.
Qazirgi ýaqytta Rýdnyi qalasynyń ákimdigi bul usynysqa qatysty resmi pikir bildirgen joq.
