Qostanai oblysynyń Rýdnyi qalasyndaǵy páterlerdiń birinen zorlyq belgileri bar er adamnyń máiiti tabyldy. Bul týraly oblystyq politsiia departamenti habarlady, dep jazady dalanews.kz.
Vedomstvo málimetinshe, qaza tapqan azamat 56 jasta bolǵan. Atalǵan derek boiynsha sotqa deiingi tergeý bastaldy.
Qazirgi ýaqytta politsiia qyzmetkerleri oqiǵanyń mán-jaiyn anyqtap, qylmysqa qatysy bolýy múmkin adamdy izdestirip jatyr.
"Oqiǵanyń barlyq mán-jaiyn, sondai-aq qylmysqa qatysy bar tulǵany anyqtaýǵa baǵyttalǵan qajetti tergeý-jedel is-sharalary júrgizilýde", – delingen politsiia habarlamasynda.
Tergeý múddesine bailanysty ózge aqparat ázirge jariialanbaidy.
