Búgin Astana ýaqytymen tańǵy saǵat 7:00-den bastap oblystaǵy barlyq sailaý ýchaskeleri óz jumysyn bastady. Tekeli qalasyna qarasty Rýdnichnyi aýyldyq okrýginde alǵashqylardyń biri bolyp Qoǵamdyq kelisim keńesiniń tóraǵasy Omar Kashkenbaev óz tańdaýyn jasady.
Omar aqsaqal óziniń ómir jolyn týǵan aýylymen ushtastyryp, talai jyl aýyldyń igiligi jolynda qyzmet etken. Búginde zeinetke shyǵyp, qoǵamdyq keńeske tóraǵalyq etip keledi.
"Biylǵy aýyl ákimderin sailaýdaǵy jańashyldyq – azamattardyń ózin-ózi usynýy. Muny atalǵan laýazymdy qyzmetke basekelestikti arttyra túsetin qajetti bir shart dep qarastyrýǵa ábden bolady. Árine, ózin-ózi usynǵan azamat eńbegi men jetistikteri jaiynda el biletin, memlekettik qyzmette nemese kásipkerlik salasynda óńbek etken, belgili jetistikterge jetken bolýy lazym. Endeshe, tájiribesi, bilimi bar adal azamattar baryn salyp, eldiń múddesine eńbek etemin dese, nege qoldamasqa?! Búgin men sailaýǵa baryp alǵashqylardyń biri bolyp óz daýsymdy berdim. Barsha jerlesterimdi sailaýda belsendilik tanytyp, óz tańdaýlaryn jasaýǵa shaqyramyn" deidi aqsaqal.
Atap ótsek Rýdnichnyi aýyldyq okrýginde 3 kandidat saiasi naýqanǵa qatysyp jatyr. Tarihi sátte aýyldyń 700-ge jýyq aýyl turǵyny daýys beredi dep kútilýde.
Uljan Uldahanqyzy
Tekeli qalasy ákiminiń baspasóz hatshysy
