Áleýmettik jelide Rýdnyidaǵy mektepterdiń birine qylmystyq shabýyl jasalatyny týraly habar tarady. Politsiia bul aqparatqa qatysty pikir bildirdi, - dep habarlaidy Dalanews.kz.
Rýdnyi politsiia basqarmasynyń málimetinshe, áleýmettik jelilerde mektepterdiń birinde belgisiz adamdar qylmys daiyndap jatqandyǵy týraly jalǵan aqparat taratylǵan.
Bul derek politsiiada tirkelgen. Jariialanymnyń avtoryn anyqtaý boiynsha tiisti is-sharalar júrgizilip jatyr.
"Azamattardan arandatýshylyqqa berilmeýin, habarlamanyń qaita baǵyttalýyna jol bermeýin jáne tek resmi aqparatqa senýin suraimyz", - delingen politsiia habarlamasynda.
Esterińizge sala keteiik, jalǵan aqparat taratqany úshin qylmystyq jaýapkershilik qarastyrylǵan.
