Qostanai oblysy Rýdnyi qalasynyń prokýrory qylmysqa qatysy bar degen kúdikpen ustaldy, dep habarlaidy Dalanews.kz.
Qostanai oblysy prokýratýrasynyń ishki qaýipsizdik bólimi óńirlik UQK departamentimen birlesip, Rýdnyi qalasynyń prokýroryn qylmystyq quqyqbuzýshylyq jasady degen kúdikpen ustady.
Ustaý sharasy 28 qyrkúiekte óz qatarlaryndaǵy quqyqbuzýshylyqtyń aldyn alý maqsatynda júrgizildi.
QR QPK-niń 201-babyna sáikes, ózge aqparat jariia etilmeidi.
Eske salaiyq, buǵan deiin 9 qyrkúiekte Aqtaý qalasynyń prokýrory Erbolat Ábdirovtiń ustalǵany jaily aqparat taraǵan edi. BAQ-ta onyń mas kúiinde janjal shyǵarǵany týraly aqparat taraǵan. Oqiǵa onyń eńbek demalysy kezinde oryn alǵany aityldy.
Erbolat Ábdirov 2024 jyldyń aqpan aiynda Aqtaý qalasynyń prokýrory bolyp taǵaiyndalǵan.
Tergeý dereginshe, 27 tamyz kúni saǵat 23:00 shamasynda Air Astana áýe kompaniiasy ókilderi er adamnyń jolaýshylarǵa tiisip, olardy qorlap, qoǵamdyq tártipti buzǵany jóninde shaǵym túsirgen.
Sotta Ábdirov óz kinásin moiyndaǵan joq. Ol oqiǵa ushaqqa aparatyn avtobýsta bolǵanyn, mundai arnaiy kólik qoǵamdyq orynǵa jatpaitynyn, sondyqtan bul jaǵdaida qoǵamdyq tártipti buzý týraly aitýǵa negiz joq ekenin jetkizdi.
“Ózimdi ádepti ustadym, áreketterime tolyq esep berdim, jaǵdaiym qalypty boldy. Áýejai ǵimaratynda birneshe tekserýden ótken soń ǵana áýe kompaniiasynyń qyzmetkerleri meni reisten túsirdi”, – dedi prokýror.
Nátijesinde, Ábdirov usaq buzaqylyq jasaǵany úshin ákimshilik jazaǵa tartyldy.
Alǵashqy sot instantsiiasy onyń áreketin quqyq buzýshylyq dep tappaǵanymen, oblystyq sot bul sheshimmen kelispei, 78 640 teńge kóleminde aiyppul saldy.
