Qazaqstandyq ánshi Áli Oqapov áleýmettik jelidegi paraqshasynda anasy, Halyq ártisi Roza Rymbaevaǵa jańa kólik berilgenin aityp, qýanyshyn bólisti, dep habarlaidy dalanews.kz.
Óner iesi Instagram paraqshasynda kóliktiń resmi túrde ózderine ótkenin jazyp, bul sátke erekshe qýanǵanyn jetkizdi.
"Boldy, kólik resmi túrde bizdiki. Ózim alǵandai qýanyp júrmin. Múmkin, kólik ózime de qatty unaǵandyqtan shyǵar. Biraq sonda da mundai emotsiia bolmas edi", – dep jazdy Áli Oqapov.
Ánshiniń aitýynsha, anasy kólikti tek qatynas quraly dep sanasa da, ol aǵasy Mádi Rymbaev ekeýi Roza Rymbaevanyń jaily ári qaýipsiz kólikpen júrgenin qalaǵan.
"Anam únemi "kólik degen tek júrý quraly" dep aitady. Biraq biz Mádi ekeýmiz onyń laiyqty, jaily ári qaýipsiz kólikpen júrgenin qalaitynbyz", – dedi ol.
Sondai-aq Áli Oqapov anasynyń jańa kólikpen otbasymen birge Alakólge barǵysy keletinin de jazdy.
"Anam qazirdiń ózinde: "Alakólge bárimiz birge minip baramyz!" dep aityp júr. Aitqanyń kelsin, anashym", – dep áserli jazba qaldyrdy ánshi.
