Roza Álqoja: «Mende es joq eken-aý!»
Ánshi áleýmettik jelidegi paraqshasynda qyryq jasqa kelgende oramalymdy tastamaitynyn tilge tiek etti. Tipti ol Jaratýshynyń paryzyn kietin ýaqytyna deiin ózimiz sheship qoiǵanyn aityp nalydy. Roza Álqoja halyqqa ómir týraly suraq qoiyp, imandylyqqa shaqyrdy.
– «Qyryq jasqa kelgende oramaldy múlde tastamai taǵamyn» degen sózime qazir kúlkim keledi. Eki jarym jyl qaldy ǵoi. Biraq, Alla paryz etken dúnieni saýdaǵa salyp júrgen mende es joq eken-aý! Biz qaidan kelgenimizdi, qaida baratynymyzdy jii umytyp qalamyz. Qursaqtan qurlyqqa jetkenimiz kimniń arqasy? Alshańdai basyp, asyqpai sóileitinimiz she? Jelpip ótken jel emes, ýaqyt! Al, biz qurlyqtan qabirge barar jolda ne bitirdik? Qyzyl-jasylǵa arbalǵan kózdi qaittik?! Ǵaibaty kóp, áibaty az sózdi qaittik?! – deidi ánshi.
Adamnyń emes, Allanyń aitqany bolatynyna kózi jetken ánshi o dúnieniń bar ekenin jurttyń esine saldy. Roza Álqoja halyqtyń jer betiniń ýaqytsha turǵyny ekenin de aitty.
