Reseidiń atom energetikasy salasyndaǵy memlekettik kompaniiasy "Rosatom" Túrkiiada salynyp jatqan quny 25 milliard dollar bolatyn atom elektr stantsiiasyndaǵy óz úlesiniń jartysyna jýyǵyn satý boiynsha kelissózder júrgizip jatyr. Bul jaiynda Bloomberg agenttigi jazdy, dep habarlaidy Dalanews.kz.
Bul aqparatty "Rosatomnyń" Akkýiý AES jobasyna jetekshilik etetin enshiles kompaniiasy direktorlar keńesiniń tóraǵasy Anton Dedýsenko Stambýlda ótken Atom elektr stantsiialary kórmesi men sammiti barysynda bergen suhbatynda málimdegen.
"Energiia óndirý kezeńine jaqyndaǵan saiyn bul jobaǵa qyzyǵýshylyq bildirip otyrǵan investorlar sany artyp keledi", – dedi ol.
Aita keteiik, 2018 jyly "Rosatom" óz úlesin satýǵa talpynys jasaǵanymen, ol áreket sátsiz aiaqtalǵan. Sol kezde túrik kompaniialary – Cengiz Holding AS, Kolin Insaat jáne Kalyon Insaat kommertsiialyq sharttar boiynsha ortaq kelisimge kele almai, jobadan ketken bolatyn.
Qýaty 4,8 gigavatt bolatyn jáne Túrkiiadaǵy alǵashqy atom elektr stantsiiasy sanalatyn Akkýiý AES-tiń alǵashqy energoblogy qazir synaqtan ótkizilip jatyr. Ol 2026 jyly elektr qýatyn jelige bere bastaidy dep kútilip otyr.
"Jyl sońyna deiin jelige qosý úshin qajet barlyq júie daiyn bolady dep úmittenemiz", – dedi Dedýsenko.
Eske salaiyq, buǵan deiin Qazaqstan men Resei AES qurylysy jóninde jol kartasyna qol qoidy. Sebebi jýyrda reseilik "Rosatom" kompaniiasy Qazaqstandaǵy alǵashqy AES-tiń qurylysyn júrgizetin halyqaralyq konsortsiýmnyń kóshbasshysy bolyp tańdaldy.
