رەسەيدٸڭ اتوم ەنەرگەتيكاسى سالاسىنداعى مەملەكەتتٸك كومپانيياسى "روساتوم" تٷركييادا سالىنىپ جاتقان قۇنى 25 ميلليارد دوللار بولاتىن اتوم ەلەكتر ستانتسيياسىنداعى ٶز ٷلەسٸنٸڭ جارتىسىنا جۋىعىن ساتۋ بويىنشا كەلٸسسٶزدەر جٷرگٸزٸپ جاتىر. بۇل جايىندا Bloomberg اگەنتتٸگٸ جازدى, دەپ حابارلايدى Dalanews.kz.
بۇل اقپاراتتى "روساتومنىڭ" اككۋيۋ اەس جوباسىنا جەتەكشٸلٸك ەتەتٸن ەنشٸلەس كومپانيياسى ديرەكتورلار كەڭەسٸنٸڭ تٶراعاسى انتون دەدۋسەنكو ستامبۋلدا ٶتكەن اتوم ەلەكتر ستانتسييالارى كٶرمەسٸ مەن سامميتٸ بارىسىندا بەرگەن سۇحباتىندا مەلٸمدەگەن.
"ەنەرگييا ٶندٸرۋ كەزەڭٸنە جاقىنداعان سايىن بۇل جوباعا قىزىعۋشىلىق بٸلدٸرٸپ وتىرعان ينۆەستورلار سانى ارتىپ كەلەدٸ", – دەدٸ ول.
ايتا كەتەيٸك, 2018 جىلى "روساتوم" ٶز ٷلەسٸن ساتۋعا تالپىنىس جاساعانىمەن, ول ەرەكەت سەتسٸز اياقتالعان. سول كەزدە تٷرٸك كومپانييالارى – Cengiz Holding AS, Kolin Insaat جەنە Kalyon Insaat كوممەرتسييالىق شارتتار بويىنشا ورتاق كەلٸسٸمگە كەلە الماي, جوبادان كەتكەن بولاتىن.
قۋاتى 4,8 گيگاۆاتت بولاتىن جەنە تٷركيياداعى العاشقى اتوم ەلەكتر ستانتسيياسى سانالاتىن اككۋيۋ اەس-تٸڭ العاشقى ەنەرگوبلوگى قازٸر سىناقتان ٶتكٸزٸلٸپ جاتىر. ول 2026 جىلى ەلەكتر قۋاتىن جەلٸگە بەرە باستايدى دەپ كٷتٸلٸپ وتىر.
"جىل سوڭىنا دەيٸن جەلٸگە قوسۋ ٷشٸن قاجەت بارلىق جٷيە دايىن بولادى دەپ ٷمٸتتەنەمٸز", – دەدٸ دەدۋسەنكو.
ەسكە سالايىق, بۇعان دەيٸن قازاقستان مەن رەسەي اەس قۇرىلىسى جٶنٸندە جول كارتاسىنا قول قويدى. سەبەبٸ جۋىردا رەسەيلٸك "روساتوم" كومپانيياسى قازاقستانداعى العاشقى اەس-تٸڭ قۇرىلىسىن جٷرگٸزەتٸن حالىقارالىق كونسورتسيۋمنىڭ كٶشباسشىسى بولىپ تاڭدالدى.
