Qazaqstan Respýblikasy premer-ministriniń birinshi orynbasary Roman Skliar Yutong transulttyq kompaniiasynyń basqarma tóraǵasy Van Ventaomen kezdesti, dep habarlaidy Dalanews.kz.
Kezdesý barysynda Qaraǵandy oblysy, Saran qalasyndaǵy indýstriialyq aimaqta ornalasqan QazTehna zaýytynyń bazasynda júzege asyp jatqan avtobýs óndirisiniń alǵashqy nátijeleri sóz boldy.
Yutong kompaniiasynyń basshysy Van Ventao Qazaqstan Úkimetine seriktestikti qoldaǵany úshin rizashylyǵyn bildirip, elimizdi Ortalyq Aziiadaǵy basty strategiialyq naryq retinde qarastyratyndaryn jetkizdi. Onyń aitýynsha, kompaniia aldaǵy ýaqytta investitsiia kólemin arttyrýǵa, tehnologiia transfertin keńeitýge jáne óndiristi tereń oqshaýlaýǵa nietti.
Búginde QazTehna zaýyty qalalyq, qalaaralyq, týristik jáne arnaiy maqsattaǵy Yutong markaly avtobýstardy shyǵarady. Kásiporyn ashylǵaly beri 4 myńnan astam avtobýs óndirilgen. Zaýytta myńnan asa adam jumyspen qamtylǵan. Aldaǵy 2025 jyly 1 500-den astam avtobýs qurastyrý josparlanyp otyr.
Sonymen qatar óndiristik qýatty arttyrý maqsatynda zaýyt aýmaǵynda qosymsha 10 myń sharshy metrlik jańa tsehtardyń qurylysy júrip jatyr. Onda dánekerleý, shtamptaý jáne qurastyrý sekildi tehnologiialyq jeliler ornalastyrylmaq. Bul jergilikti qamtý úlesin ulǵaityp, QazTehna-nyń Qazaqstandaǵy jetekshi avtobýs óndirýshi retindegi ornyn nyǵaita túspek.
Kelissóz sońynda taraptar ónerkásip salasyndaǵy áriptestikti odan ári tereńdetýge jáne birlesken jobalardy jalǵastyrýǵa múddeli ekenin málimdedi.
