Roman Sklár Úkimetten alystamady. Ol premer-mınıstrdiń birinshi orynbasary bolyp qaıta taǵaıyndaldy, - dep habarlaıdy Dalanews.kz.
"Roman Vasılevıch Sklár Qazaqstan Respýblıkasy Premer-Mınıstriniń birinshi orynbasary laýazymyna taǵaıyndalsyn", - dep jazylǵan Aqorda habarlamasynda.
Ol 2019 jylǵy 18 qyrkúıekten bastap Premer-Mınıstrdiń orynbasary bolyp taǵaıyndalǵan edi. 2021 jyly 18 qańtarda QR Prezıdentiniń Jarlyǵymen osy qyzmetine qaıta taǵaıyndaldy.
2022 jylǵy 11 qańtarda QR Prezıdentiniń Jarlyǵymen Qazaqstan Respýblıkasy Premer-Mınıstriniń birinshi orynbasary bolyp taǵaıyndaldy. 2023 jylǵy 3 sáýirde de qaıta taǵaıyndaldy.
Buǵan deıin áleýmettik jeliler men buqaralyq aqparat quraldarynda ol Bektenovtiń ornyna Prezıdent ákimshiligin basqarýǵa baratyny týraly aqparat taraǵan edi. Alaıda qaýeset rastalmady. Búgin taǵy da Úkimettegi ornyna keldi.
