Premer-ministrdiń birinshi orynbasary Roman Skliar qytailardyń aldynda qazaqsha sóiledi, - dep habarlaidy Dalanews.kz.
Belgili jýrnalist Zarina Ahmetjanovanyń Tiktok paraqshasyna júktegen videosynda Skliardyń qazaqsha esh múdirmei sóilep tur. Premer-ministrdiń orynbasary sahnada uzaq sóilegen.
Baiandamasynda Roman Skliar qazaqtyń tól áripterin de erkin dybystap tur.
Aita keteiik, Qazaqstan Qytaidan iri investorlardy tartyp jatyr. Kúni keshe Roman Skliar China Datang Corporatio kompaniiasynyń ókilderimen kezdesken bolatyn. Bul - Qytaida elektrenergiiasyn óndiretin eń iri kompaniialardyń biri.
Skliardyń Qytai investorlarymen kezdesýinde elektr jáne jylý energetikasynda jańa qýattardy engizý qajettiligine erekshe nazar aýdarylǵan.
Jalpy jelide "Skliar qazaqsha jaýap berdi", "Skliar qazaqsha taza sóiledi" degen videolar kóp.
Mysaly 2020 jyly Roman Skliar Túrkistan oblysynda sý tasqynynan zardap shekken halyqpen qazaq tilinde sóilesken bolatyn.
Buǵan deiin Roman Skliar jýrnalisterge qazaq tilin qalai úirenip alǵanyn aitqan bolatyn. Skliar repetitorlyq qyzmetke de júginbegen.
"Men alty jasymda aýylda turǵanmyn. Jarty jyldai aýylda boldym. Sodan qalǵan bolýy kerek. Jeke repetitorym joq. Oǵan ýaqyt tabý da qiyn", - degen edi Skliar.
Sonymen qatar, Roman Skliar Qazaqstannyń kez kelgen azamaty memlekettik tige qurmetpen qaraý keregin aitqan bolatyn.
"Ókinishke qarai, men oqyǵan mektepte memlekettik til ótpedi. Al bala kúnimde marqum ákem Jańaaýylda turatyn dosyna meni aparatyn. Ol Pavlodardan toǵyz shaqyrym jerde ornalasqan. Alty jasymda ol aýylda alty aidai turdym.
Odan keiin úsh jyldai sol aýylǵa ai saiyn baryp júrdim. Qazir adamdar Angliiaǵa baryp aǵylshyn tilin úirense, men de hobbi retinde qarap, qazaq tilin úirendim", - degen edi Roman Skliar jýrnalisterge.
