2025 jyldyń on aıynda Qazaqstanda róli oń jaqta ornalasqan kólikterdiń qatysýymen bolatyn jol-kólik oqıǵasy 27 paıyz artqan. Bul týraly Májilis depýtaty Elnur Beısenbaev málimdedi, dep habarlaıdy Dalanews.kz.

Depýtattyń málimetinshe, róli oń jaqtaǵy kólikterdi taksı retinde paıdalanýǵa resmı tyıym salynǵanyna qaramastan, jasyryn tasymalmen aınalysatyn júrgizýshiler jumysyn toqtatpaı otyr. Sondaı-aq jolaýshy shaqyrý qyzmetteri tarapynan baqylaý da jetkiliksiz.

Beısenbaev ásirese Toyota Alphard pen Toyota Estima markaly kólikterdiń jıi jol apatyna túsip jatqanyn atap ótti.

“Eki kúnniń ishinde Jambyl jáne Almaty oblystarynda Alphard qatysqan eki iri jol apaty boldy. On adam qaza taýyp, taǵy tórteýi jaraqat aldy. Bul óte aýyr jaǵdaı”, – dedi depýtat.

Onyń sózinshe, jol qaýipsizdigi úshin batyl sheshim qabyldaıtyn ýaqyt keldi.

“Róli oń jaqta ornalasqan kólikterdi qandaı da bir jolaýshy tasymalyna, komersıalyq, qalaaralyq nemese halyqaralyq baǵyttarǵa paıdalanýǵa tolyq, buljymas tyıym engizý kerek”, – dedi Beısenbaev.