«Robotek» avtonomdy kólik qurý boiynsha jańa jobany aiaqtady
Panama qalasynan oralǵan soń «Álemdi bailanystyramyz» strategiiasy men WRO-2023 jahandyq jetistikterinen shabyttanǵan «Robotek» oqýshylary jańa jobamen jumys istei bastady. Bul shynaiy ýaqytta ońtaily qozǵalys traektoriiasyn ózdiginen qurastyratyn mashinanyń oqý úlgisi. Robot qazir «Altel» uialy bailanys operatory júzege asyryp jatqan 5G – derekterdi berýdiń joǵary jyldamdyqty tehnologiialaryna sáikes jasalǵan.
Jańa jyl qarsańynda quramynda Batyrhan Báiterekov, Marat Kazkenov, Vagiz Disembaev, Janarys Kaparov, Ańsar Saýyrbaev bar elimizge jáne álemge tanymal, tabysty ujym jumysyn qorytyndylady.
– Bizdiń kólik joldyń naqty jaǵdaiyna jaqyn, arnaiy synaq alańyndaǵy jarystarǵa arnalǵan. Robot avtonomdy, keskin 5G arqyly beriledi», – dep atap ótti jobanyń ǵylymi jetekshisi Vladimir Ýsoltsev.
2023 jyly Dúniejúzilik robototehnika olimpiadasynyń «Álemdi bailanystyramyz» taqyryby tsifrlyq tehnologiialardyń infraqurylymy men logistikasyna arnalǵanynyń simvoldyq máni bar.
– Búgingi kúni «Robotek» birneshe baǵytta jumys isteidi, sonyń ishinde tájiribelik zerthana retinde, naqty iske asyrýǵa baǵyttalǵan tanymal jobalar jasalady. Digital-baǵyttyń qarqyndy damýy mindetti túrde tsifrlyq tehnologiialardyń infraqurylymy men logistikasynyń tiisti deńgeiin, injenerlik sheshimderdiń kreativtiligi men tiimdiligin talap etedi. Bul keń-baitaq aýmaǵy bar elimizde bul óte ózekti, – dep atap ótti «Robotek» bas direktory Sanjar Shalqarbekov.
«Connecting the World» taqyryby 2024 jyly halyqaralyq deńgeige shyǵýdy josparlap otyrǵan bedeldi Robotek Grand Tournament sharasynda basty taqyryptardyń biri retinde josparlanǵan. AQSh, Túrkiia, Ázirbaijan, Ózbekstan, Qyrǵyzstan jáne basqa da elderdiń jas robototehnikteri Astanaǵa kelýge daiyn ekendikterin rastady.
