«QazAvtoJol» ulttyq kompaniiasy 2025 jylǵy 26 jeltoqsanǵa arnalǵan respýblikalyq mańyzy bar avtojoldardaǵy aýa raiy týraly málimet taratty, dep habarlaidy Dalanews.kz.
Kompaniia dereginshe, Aqmola, Shyǵys Qazaqstan, Qaraǵandy, Aqtóbe, Ulytaý, Qyzylorda, Túrkistan, Batys Qazaqstan, Almaty, Jetisý, Jambyl, Abai jáne Pavlodar oblystarynyń kei jerlerinde qar aralas jańbyr men qar jaýýy kútiledi.
Osyǵan bailanysty «QazAvtoJol» júrgizýshilerdi jolǵa shyǵar aldynda aýa raiy boljamyn eskerýge, jyldamdyq rejimin qatań saqtaýǵa jáne kólikter arasyndaǵy qaýipsiz araqashyqtyqty ustanýǵa shaqyrady. Sondai-aq jolda barynsha saq bolyp, qolaisyz aýa raiy jaǵdaiynda jol qozǵalysy erejelerin múltiksiz oryndaý qajettigi eskertildi.
