Jalpy, 60,9% respondent QR Parlamenti Májilisiniń sailanǵan quramyna qanaǵattanady.
Respondentter qanaǵattanatyn negizgi faktorlaryna – ózderi daýys bergen partiianyń májiliske ótýi; Parlamenttegi barlyq áleýmettik toptardyń múddeleriniń usynylýy; sailanǵan depýtattardyń halyq arasynda tanymaldyǵy; ózin-ózi usynǵan depýtattardyń bolýy; Májilistegi partiialar sanynyń eki ese artýy; sailanǵan depýtattar arasynda bedeldi jáne tanymal tulǵalardyń bolýy, sondai-aq depýtattyq korpýs quramynda áielder, jastar jáne múmkindikteri shekteýli adamdardyń bolýy yqpal etken.
Saýalnamaǵa sáikes, qoǵamda kóppartiialy Parlamentke turaqty túrde joǵary suranys bar. 59,9% respondent joǵary zań shyǵarýshy organnyń qurylymynda partiialyq pliýralizm bolǵanyn qoldaidy. Bul rette, respondentterdiń úshten biri bóligi bir partiialy Parlament ideiasyn qoldaidy (31,5%).
Partiialyq belsendilik reitingi de nazar aýdarýǵa turarlyq. Respondentter sailaýdan keiingi kezeńde «Amanat» (55,7%), «Aýyl» (12,8%), «Aq jol» (12,0%), «Respublica» (8,5%) partiialarynyń jumysy barynsha baiqalatynyn atap ótti. Qalǵan partiialardyń (UKP, JSDP, «Baitaq») jumysyn respondentterdiń 5%-dan az bóligi (kóbinese megapolisterdiń turǵyndary) atap ótti.
Úkimettiń jumysyn baǵalai otyryp, respondentterdiń shamamen úshten ekisi (63,8%) jańa ministrler kabineti aldaǵy jyl ishinde halyqtyń naqty jaǵdaiyn jaqsartady dep sanaidy. Bul Úkimet jaqyn arada azamattardyń áleýmettik-ekonomikalyq jaǵdaiyn jaqsarta alady (33,3%) jáne dáliregi, jaqsarta alady (30,5%) dep jaýap bergenderdiń jiyntyq úlesi.
Áleýmettik zertteýdi «Qoǵamdyq pikir» zertteý institýty aǵymdaǵy jyldyń 6-15 mamyry aralyǵynda júrgizdi. Irikteme reprezentativti, 17 oblys pen respýblikalyq mańyzy bar Astana, Almaty jáne Shymkent qalalarynan 18 jastan asqan 1200 respondentke saýalnama júrgizildi. Zertteýde face-to-face suhbat ádisi qoldanyldy. Marshrýttyq irikteme jasaldy.
