Densaýlyqqa aýyr ziian keltirgeni úshin sottalǵan Reseiden ekstraditsiialandy, dep habarlaidy Dalanews.kz.
Qazaqstan Respýblikasynyń Bas prokýratýrasy jeke adamǵa qarsy aýyr qylmys jasaǵany úshin sot úkimin oryndaý maqsatynda Qazaqstan azamatyn Resei Federatsiiasynan ekstraditsiialady.
Atalǵan tulǵa 2023 jyly Ridder qalasynda alkogoldik ishimdik ishý barysynda jábirlenýshimen aýyzsha janjal negizinde ózimen birge bolǵan jinalmaly pyshaǵymen onyń basy men denesine kóptegen soqqylar jasaǵan. Ýaqtyly kórsetilgen meditsinalyq kómekke bailanysty jábirlenýshi qutqaryldy.
Sot úkimimen ol bas bostandyǵynan aiyrýmen bailanysty emes jazaǵa sottalyp, alaida ózine júktelgen mindetterdi oryndamai, qylmystyq jazasyn óteýden jaltarýyna bailanysty halyqaralyq izdeýge jariialandy.
Ótken jyldyń qyrkúieginde izdestirýdegi Resei Federatsiiasynyń Altai ólkesinde ustalyp, keiin Qazaqstan Bas prokýratýrasynyń suraýy boiynsha Otanyna ekstraditsiialandy.
Qazirgi ýaqytta sottalýshy ýaqytsha ustaý izoliatoryna qamaldy.
Endi ol eki jyldan astam merzimge naqty bas bostandyǵynan aiyrý jazasyn óteýi kerek.
