دەنساۋلىققا اۋىر زيان كەلتىرگەنى ءۇشىن سوتتالعان رەسەيدەن ەكستراديسيالاندى، دەپ حابارلايدى Dalanews.kz.
قازاقستان رەسپۋبليكاسىنىڭ باس پروكۋراتۋراسى جەكە ادامعا قارسى اۋىر قىلمىس جاساعانى ءۇشىن سوت ۇكىمىن ورىنداۋ ماقساتىندا قازاقستان ازاماتىن رەسەي فەدەراسياسىنان ەكستراديسيالادى.
اتالعان تۇلعا 2023 جىلى ريددەر قالاسىندا الكوگولدىك ىشىمدىك ءىشۋ بارىسىندا جابىرلەنۋشىمەن اۋىزشا جانجال نەگىزىندە وزىمەن بىرگە بولعان جينالمالى پىشاعىمەن ونىڭ باسى مەن دەنەسىنە كوپتەگەن سوققىلار جاساعان. ۋاقتىلى كورسەتىلگەن مەديسينالىق كومەككە بايلانىستى جابىرلەنۋشى قۇتقارىلدى.
سوت ۇكىمىمەن ول باس بوستاندىعىنان ايىرۋمەن بايلانىستى ەمەس جازاعا سوتتالىپ، الايدا وزىنە جۇكتەلگەن مىندەتتەردى ورىنداماي، قىلمىستىق جازاسىن وتەۋدەن جالتارۋىنا بايلانىستى حالىقارالىق ىزدەۋگە جاريالاندى.
وتكەن جىلدىڭ قىركۇيەگىندە ىزدەستىرۋدەگى رەسەي فەدەراسياسىنىڭ التاي ولكەسىندە ۇستالىپ، كەيىن قازاقستان باس پروكۋراتۋراسىنىڭ سۇراۋى بويىنشا وتانىنا ەكستراديسيالاندى.
قازىرگى ۋاقىتتا سوتتالۋشى ۋاقىتشا ۇستاۋ يزولياتورىنا قامالدى.
ەندى ول ەكى جىلدان استام مەرزىمگە ناقتى باس بوستاندىعىنان ايىرۋ جازاسىن وتەۋى كەرەك.
