Reseide koronavirýstyń FLiRT atty jańa túri anyqtaldy, dep habarlaidy Dalanews.kz.
RIA Novosti aqparatyna sáikes, bul - asa qaýipti emes.
"Júrgizilgen monitoring tipti, jalǵyz jańa genonusqalardy aiqyndaýǵa múmkindik beredi. Monitoring júrgizilgen kezeń ishinde FLiRT jańa nusqasynyń 178 jaǵdaiy anyqtaldy", - dep atap ótti eldiń tutynýshylar quqyǵyn qorǵaý komiteti.
Osy tusta eskere ketetin jait, omikron - Reseide ǵana emes, búkil álemde eń kóp taralǵan koronavirýs túri.
Al mamandar omikron men FLiRT shtamynyń belgileri uqsas ekenin alǵa tartady. Belgilerine qyzba, jótel, tamaqtyń aýrýy, álsizdik, bas aýrýy, bulshyqetterdiń aýyrsynýy, iis jáne dám sezýdiń joǵalýy jatady.
Ótken merekelerden keiin Reseide COVID-19-dyń buryn boljanǵan ósimi tirkeldi. Sebebi bul kúnderi adamdar bir-birimen kóbirek bailanysqa túsken.
Mamandar profilaktikalyq sharalardy nazardan tys qaldyrmaýǵa shaqyrady. Máselen, qoldy jii jýý, úi-jailardy jeldetý, jumys ústeli men gadjetterdi dezinfektsiialaý, aýrý belgileri bar adamdarmen bailanysqa túspeý.
