رەسەيدە كوروناۆيرۋستىڭ FLiRT اتتى جاڭا ءتۇرى انىقتالدى، دەپ حابارلايدى Dalanews.kz.
ريا نوۆوستي اقپاراتىنا سايكەس، بۇل - اسا ءقاۋىپتى ەمەس.
"جۇرگىزىلگەن مونيتورينگ ءتىپتى، جالعىز جاڭا گەنونۇسقالاردى ايقىنداۋعا مۇمكىندىك بەرەدى. مونيتورينگ جۇرگىزىلگەن كەزەڭ ىشىندە FLiRT جاڭا نۇسقاسىنىڭ 178 جاعدايى انىقتالدى"، - دەپ اتاپ ءوتتى ەلدىڭ تۇتىنۋشىلار قۇقىعىن قورعاۋ كوميتەتى.
وسى تۇستا ەسكەرە كەتەتىن جايت، وميكرون - رەسەيدە عانا ەمەس، بۇكىل الەمدە ەڭ كوپ تارالعان كوروناۆيرۋس ءتۇرى.
ال ماماندار وميكرون مەن FLiRT شتامىنىڭ بەلگىلەرى ۇقساس ەكەنىن العا تارتادى. بەلگىلەرىنە قىزبا، جوتەل، تاماقتىڭ اۋرۋى، السىزدىك، باس اۋرۋى، بۇلشىقەتتەردىڭ اۋىرسىنۋى، ءيىس جانە ءدام سەزۋدىڭ جوعالۋى جاتادى.
وتكەن مەرەكەلەردەن كەيىن رەسەيدە COVID-19-دىڭ بۇرىن بولجانعان ءوسىمى تىركەلدى. سەبەبى بۇل كۇندەرى ادامدار بىر-بىرىمەن كوبىرەك بايلانىسقا تۇسكەن.
ماماندار پروفيلاكتيكالىق شارالاردى نازاردان تىس قالدىرماۋعا شاقىرادى. ماسەلەن، قولدى ءجيى جۋۋ، ءۇي-جايلاردى جەلدەتۋ، جۇمىس ۇستەلى مەن گادجەتتەردى دەزينفەكسيالاۋ، اۋرۋ بەلگىلەرى بار ادامدارمەن بايلانىسقا تۇسپەۋ.
