Reseidegi qazaqstandyqtar endi júrgizýshi kýáligin paidalana almaidy, dep habarlaidy Dalanews.kz.
Sheteldik júrgizýshi kýáligin qoldanyp júrgen keibir kólik júrgizýshileri úshin 1 sáýirden bastap Reseide jańa talap kúshine endi: endi olarǵa reseilik júrgizýshi kýáligi qajet. Bul talap «Jol qozǵalysy qaýipsizdigi týraly» zańda kórsetilgen. Atap aitqanda, ol 2024 jylǵy 1 sáýirge deiin turaqty turýǵa ruqsat nemese Resei azamattyǵyn alǵan sheteldikterge, sondai-aq osy kúnge deiin elge kirgen sheteldik júrgizýshi kýáligi bar reseilikterge qatysty.
Eger 2025 jylǵy 1 sáýirde olar buryn berilgen sheteldik kýálikpen kólik tizgininde otyrsa, bul júrgizýshi kýáliginsiz kólik júrgizý bolyp esepteledi (Ákimshilik quqyq buzýshylyqtar kodeksiniń 12.7-babynyń 1-bóligine sáikes), ári 15 myń rýblge deiin (90 myń teńgeden astam) aiyppul salynady.
Bul shekteý Belarýs azamattaryna jáne Belarýs júrgizýshi kýáligi bar reseilikterge qoldanylmaidy.
Eger sheteldik azamat VNJ nemese Resei azamattyǵyn 2024 jyldyń 1 sáýirinen keiin (mysaly, 1 qazanda) alǵan bolsa, ol óziniń sheteldik kýáligin jańa mártebe alǵan kúnnen bastap bir jyl boiy paidalana alady (iaǵni, 2025 jyldyń 1 qazanyna deiin). Resei azamattary úshin de osy ereje qoldanylady, biraq esep merzimi – olardyń Reseige kirgen kúni.
Buryn sheteldik júrgizýshi kýálikterin reseilikke emtihansyz aýystyrýǵa bolatyn. Alaida bul jeńildik 1 sáýirde toqtady. IIM málimetinshe, osy múmkindikti shamamen 500 myń júrgizýshi paidalanǵan. Endi eger sheteldik kýálikte M, A nemese B sanattary ashyq bolsa – teoriialyq emtihan tapsyrý kerek. Al eger C nemese D sanattary bolsa – aldymen avtoshkolada oqyp, keiin teoriia men «qalalyq júrgizýden» emtihan tapsyrý qajet.
