Resei Finliandiia, Estoniia jáne Litvamen Baltyq teńizindegi shekarasyn keńeitýdi josparlap otyr, - dep habarlaidy Dalanews.kz.
"Azattyq" radiosy málimetinshe, mundai qujatty eldiń qorǵanys ministrligi daiyndaǵan.
"Baltyq, Zelenogradsk jáne Fin buǵazynyń shyǵys bóliginde shekarany ózgertý tiisti akvatoriiany Reseidiń ishki teńiz sýy retinde paidalanýǵa múmkindik beredi", - dep jazylǵan qujatta.
"Resei sonymen birge Fin buǵazyndaǵy birneshe aral aýmaǵy men Narva ózeniniń soltústik kireberis múiisi mańyndaǵy shekara koordinattaryn túzetýdi kózdep otyr", - delingen basylym málimetinde.
Úkimet qaýlysynyń qosymshasyna súiengen The Moscow Times basylymy Litvamen shekarada Kýrsh jáne Baltyq shuńqyry, sondai-aq, Taran múiisi aýmaǵy qaita qaralatynyn jazdy.
Joba avtorlarynyń aitýynsha, 1985 jyly ornatylǵan geografiialyq koordinattar "qazirgi geografiialyq jaǵdaiǵa tolyq sáikes kele bermeidi".
Oryndar 20-ǵasyrdyń ortasyndaǵy eńbekterden qurastyrylǵan masshtaby shaǵyn teńiz navigatsiialyq kartalary arqyly belgilengen, al bul Reseidiń ishki teńiz sýlarynyń syrtqy shekarasyn anyqtaýǵa múmkindik bermeidi, dep jazylǵan qujatta. Zańǵa sáikes aýmaq sýy keńeigen saiyn olardyń tóbesindegi áýe keńistigi de keńeiedi.
"Finliandiia syrtqy ister ministrligi Resei BUU-nyń teńiz quqyǵy týraly konventsiiasyn basshylyqqa alady dep úmittenetinin jetkizdi. Litva syrtqy ister ministrligi Reseidiń shekarany ózgertý josparyn "NATO men EO-ǵa qarsy jaǵdaidy ýshyqtyrý" dep atap, Batys elder Máskeýge "qatań jaýap qaiyrýy kerek" dedi. Estoniia ázirge túsinikteme bergen joq", - dep jazylǵan basylym málimetinde.
