Resei úshin Baiqońyr ǵarysh ailaǵynyń strategiialyq, kommertsiialyq mańyzy óte joǵary. Osy oraida Resei tarapy Qazaqstannan 2025 jyldan keiin de Baiqońyr ǵarysh ailaǵynan "Proton" zymyrandaryn ushyrýǵa ruqsat surap otyr. Al bul ekologiia úshin qaýipti sanalatyn ýly otyn quiylatyn zymyrandardy ushyrý degendi bildiredi, - dep habarlaidy Dalanews.kz.
Resmi derekterge súiensek, "Roskosmos" pen reseilik Hrýnichev ortalyǵy Qazaqstanǵa 2025 jyldan keiin Baiqońyr ǵarysh ailaǵynan "Proton" zymyrandaryn ushyrý merzimin uzartý týraly ótinishpen júgingen. Zymyrandardyń bul túrin paidalana berý Astananyń arnaiy kelisimin talap etedi, óitkeni "Protondarǵa" arnalǵan otynnyń quramynda ýyttylyǵy joǵary komponentter bar.
"Hrýnichev ortalyǵy men "Roskosmos" memlekettik korporatsiiasy tarapynan usynystar pysyqtalyp, qazaqstandyq áriptesterimizge joldandy. "Baiqońyr" kesheni boiynsha bul máseleni iske asyrý joldary Úkimetaralyq komissiia sheńberinde izdestirilip jatyr", - dedi Aleksei Varochko.
Derekterge súiensek, qazir ártúrli daiyndyqtaǵy on "Proton-M" zymyran tasyǵyshy bar. Bul zymyrandar Resei Federatsiiasynyń ǵaryshtyq baǵdarlamasynyń mindetterin oryndaý úshin de, kommertsiialyq maqsatta da qoldanylǵan. Alaida Reseidiń Ýkrainaǵa qarsy soǵys qimyldary bastalǵannan keiin keibir tapsyrys berýshiler Roskosmospen yntymaqtastyqty toqtatqan, al bul zymyrandardyń bir bóligi suranyssyz qalýyna ákep soqty.
Osyǵan bailanysty Roskosmos "Protondardy" qoldanýdyń jańa múmkindikterin qarastyryp otyr degen aqparat bar. Baiqońyr ǵarysh ailaǵynan bul zymyrandardy ushyrýdy toqtatý týraly Qazaqstanmen arada jasalǵan kelisimge qaramastan, 2025 jyldan keiin de olardy ushyrýǵa degen qyzyǵýshylyq qalǵan zymyrandardy paidalaný joldaryn tabý qajet ekenin kórsetip otyr.
"Baiqońyr ǵarysh ailaǵynan "Proton" zymyrandaryn ushyrý Resei men Qazaqstan arasynda qyzý pikirtalas taqyrybyna ainalyp otyr. Oǵan qosa zymyrandarda otynnyń asa ýly quramdas bóligi - geptil paidalanylýy máseleni tipti ýshyqtyryp otyr. Bul zat qorshaǵan ortaǵa da, adam densaýlyǵyna da asa úlken qaýip tóndiredi", - dep jazylǵan málimette.
2023 jyly "Roskosmos" pen "Báiterek" Qazaqstan-Resei kásiporny arasynda túsinispeýshilik týyndaǵan. Másele "Protondardy" aýystyrady dep boljanǵan "Soiýz-5" zymyranynyń ekologiialyq áserin baǵalaýǵa bailanysty bereshekten shyqqan.
Al "Protondardy" óndiretin Hrýnichev ortalyǵy 2025 jyldan keiin de bul zymyrandardy ushyrýda Qazaqstanmen yntymaqtastyqty jalǵastyrýǵa nietti eken.
