NATO men Resei ókilderi arasyndaǵy kezdesý 2014 jyldan beri ekinshi ret oryn aldy. Eki taraptyń qarym-qatynasy Ýkrainadaǵy daǵdarystan keiin nasharlap ketken.
Resei — NATO Keńesiniń kezdesýinde Ýkraina kún tártibindegi birinshi taqyryp boldy. Bul jónide Briýsselde Keńestiń qorytyndysy boiynsha baspasóz máslihatyn ótkizgen NATO-nyń Bas hatshysy Iens Stoltenberg málimdedi.
"Biz qazir ǵana Resei-NATO Keńesiniń otyrysyn ótkizdik. Bul ashyq túrde ótken paidaly kelissózder boldy," - dedi ol.
Onyń sózderinshe, Reseidiń Ýkrainadaǵy áreketi eýroatlantikalyq qaýipsizdikti álsiretti. "Daǵdarysqa bailanysty NATO odaqtastary men Resei arasynda únemi kelispeýshilik bolyp keledi. Bizdiń kózqarastarymyz búgin de sáikes kelmedi. Biraq bul Ýkrainadaǵy daǵdarysqa qatysty pikir almasyp, kózqarastarymyzdy naqtylaý úshin qajet boldy," - dep atap ótti Stoltenberg.
NATO Qyrymnyń anneksiiasynyń zańdylyǵyn moiyndamaidy dedi ol.
