Aqtóbe oblysyndaǵy "Jaisan" kólik ótkizý beketinde Resei Federatsiiasy baǵytynda kele jatqan 160-qa jýyq júk kóligi jinalyp qalǵan, dep habarlaidy dalanews.kz.
Memlekettik kirister komiteti dereginshe, bul jaǵdai Reseidiń "Sagarchin" kólik ótkizý beketinde jóndeý jumystary júrgizilýine bailanysty bolǵan.
4 qyrkúiekten bastap Resei tarapy jol tósemin aýystyryp jatyr, osyǵan bailanysty kólik qozǵalysy bir jolaq boiynsha keri rejimde uiymdastyrylǵan. Bul shekaradaǵy kólik jyldamdyǵyna áser etip otyr.
"Osy maqsatta ótkizý beketindegi jumys kúsheitildi, kólikter jaqyn mańdaǵy ótkizý beketterine qaita bólinip jatyr, elektron kezektegi slottardyń sany túzetildi. Júrgizýshilermen ótkizý beketi aldynda túsindirý jumystary júrgizilip jatyr", - dedi vedomstvo ókilderi.
Komitet jaǵdai únemi baqylaýda ekenin málimdedi.
