Qazaqstan jańa ónimnen 8,9 mln tonna astyq eksporttady. Bul byltyrmen salystyrǵanda 12,6%-ǵa kóp. Bul týraly Aýyl sharýashylyǵy mınıstrligi málimdedi, dep habarlaıdy Dalanews.kz.

Ózbekstanǵa eksport kólemi 14%-ǵa ósip, 6,6 mln tonnadan 7,5 mln tonnaǵa jetti. Qyrǵyzstan baǵyty boıynsha eksport 1,8 esege ulǵaıyp, 194 myń tonnadan 354 myń tonnaǵa artty.

Aýǵanstanǵa astyq jóneltý 24%-ǵa kóbeıip, 1,1 mln tonnadan 1,3 mln tonnaǵa jetti. Túrikmenstanǵa eksport kólemi 1,5 esege ósip, 94 myń tonnadan 145 myń tonnaǵa deıin ulǵaıdy.

Bıyl Qazaqstannyń eksporttyq áleýeti 13 mln tonnaǵa baǵalanyp otyr. Elde rekord ónim jınalyp, jalpy astyq kólemi 27,1 mln tonnaǵa jetti. Onyń ishinde bıdaı 20 mln tonnadan asady.

2024-2025 jyly Qazaqstan 13,4 mln tonna astyq eksporttaǵan. Bul ótken kezeńmen salystyrǵanda 47%-ǵa joǵary ári keıingi 20 jyldaǵy eń úlken kórsetkish.