Rejıserge 189 baptyń 4 bólimi 2 tarmaǵy boıynsha “senip tapsyrylǵan ózgeniń múlkin ıelený jáne ysyrap etý” boıynsha aıyp taǵylyp otyr.
Tergeý deregi boıynsha, Talǵat Jánibekovty 28 jeltoqsan kúni jemqorlyqqa qarsy kúres Ulttyq búrosy Almaty departamentiniń qyzmetkerleri ustaǵan.
Buǵan deıin Jánibekov mınıstr Muhamedıulyn para surady dep ashyq aıyptaǵan bolatyn. “Fenıks” fılmi avtorynyń aıtýynsha, Arystanbek Muhamedıuly túsirilim jumystaryn aıaqtaý úshin baqandaı 100 myń dollar talap etipti. Ony taýyp bere almaǵan soń fantasıkalyq trıllerdiń túsirilimi birjolata toqtap, ártisteri tentirep qaldy deıdi rejıser.
Keıinirek osy iske qatysty qýdalanǵan Jánibekovke aıyppul salynǵan. Sondaı-aq, bul daýǵa “Fenıks” fılminiń basy-qasynda júrgen Tuńǵyshbaı Jamanqulovtyń da qatysy bar. Jaǵdaı keń óris alyp ketip, Jamanqulov Eńlik esimdi qyzdy qoldaǵany úshin basy daýǵa qalǵan. Keıinirek halyq ártisi fılmge bólingen qarajatty talan-tarajǵa saldy degen aıyppen ustaldy.
