رەجيسسەرگە 189 باپتىڭ 4 ءبولىمى 2 تارماعى بويىنشا “سەنىپ تاپسىرىلعان وزگەنىڭ مۇلكىن يەلەنۋ جانە ىسىراپ ەتۋ” بويىنشا ايىپ تاعىلىپ وتىر.
تەرگەۋ دەرەگى بويىنشا، تالعات جانىبەكوۆتى 28 جەلتوقسان كۇنى جەمقورلىققا قارسى كۇرەس ۇلتتىق بيۋروسى الماتى دەپارتامەنتىنىڭ قىزمەتكەرلەرى ۇستاعان.
بۇعان دەيىن جانىبەكوۆ مينيستر مۇحامەديۇلىن پارا سۇرادى دەپ اشىق ايىپتاعان بولاتىن. “فەنيكس” ءفيلمى اۆتورىنىڭ ايتۋىنشا، ارىستانبەك مۇحامەدي ۇلى ءتۇسىرىلىم جۇمىستارىن اياقتاۋ ءۇشىن باقانداي 100 مىڭ دوللار تالاپ ەتىپتى. ونى تاۋىپ بەرە الماعان سوڭ فانتاستيكالىق تريللەردىڭ ءتۇسىرىلىمى ءبىرجولاتا توقتاپ، ارتىستەرى تەنتىرەپ قالدى دەيدى رەجيسسەر.
كەيىنىرەك وسى ىسكە قاتىستى قۋدالانعان جانىبەكوۆكە ايىپپۇل سالىنعان. سونداي-اق، بۇل داۋعا “فەنيكس” ءفيلمىنىڭ باسى-قاسىندا جۇرگەن تۇڭعىشباي جامانقۇلوۆتىڭ دا قاتىسى بار. جاعداي كەڭ ءورىس الىپ كەتىپ، جامانقۇلوۆ ەڭلىك ەسىمدى قىزدى قولداعانى ءۇشىن باسى داۋعا قالعان. كەيىنىرەك حالىق ءارتىسى فيلمگە بولىنگەن قاراجاتتى تالان-تاراجعا سالدى دەگەن ايىپپەن ۇستالدى.
