Belgili saiasattanýshy Marat Shibutov referendýmnan keiin prezidenttiń ókilettigi qandai jolmen qysqaratynyn túsindirip berdi.
Shibutovtyń sózinshe, konstitýtsiiaǵa prezidenttiń ókilettikterine qatysty mynadai túzetýler engiziledi:
1. QR prezidenti óz ókilettikterin júzege asyrý kezeńinde eshbir saiasi partiianyń múshesi bolmaýy tiis.
2. QR prezidentiniń jaqyn týystarynyń memlekettik saiasi qyzmetshiler, kvazimemlekettik sektor sýbektileriniń basshylary laýazymdaryn atqarýǵa quqyǵy bolmaidy.
3. Prezident 15 senatordyń ornyna tek 10-yn ǵana taǵaiyndai alady.
4. Joǵary sot keńesiniń tóraǵasyn taǵaiyndaý úshin prezident senattyń kelisimin alýy kerek.
5. Eger buryn prezident oblys/respýblikalyq mańyzy bar qala ákimi laýazymyna máslihat depýtattyǵyna 1 kandidatty usynsa, ózgeristerden keiin keminde 2 kandidatty usynatyn bolady.
6. Prezident oblystar, respýblikalyq mańyzy bar qalalar jáne astana ákimderi aktileriniń kúshin joia almaidy nemese ony toqtata almaidy.
Saiasatker osy ózgeristerden keiin prezidenttiń bilikke taǵaiyndalǵan týystarynyń nemese partiia basshylyǵyn taǵaiyndaý arqyly saiasatqa yqpal etý múmkindigi tómendep, bul parlamentti táýelsiz etetinine senim bildiredi.
"Ózge aimaqtar úshin de prezidenttiń róli tómendei túsedi. Postkeńestik elderde (Ázirbaijan, Túrkimenstan, Tájikstan kelesi kezekte) bilikti urpaqtan urpaqqa qaldyryp jatqan ýaqytta bul sózsiz alǵa jyljýdyń belgisi", - deidi Marat Shibutov.
Derekkóz: Stan.kz
