Ortalyq referendým komissiiasy daýys berý jáne daýystardy sanaý tártibin túsindirdi, dep habarlaidy Dalanews.kz.
Komissiia múshesi Azamat Aimanqulovtyń aitýynsha, 2026 jylǵy 15 naýryzda referendým ýchaskeleri tańǵy saǵat 7:00-de ashylyp, keshki 20:00-ge deiin jumys isteidi. Eger jekelegen ýchaskeler úshin bólek keste bekitilmese, barlyq jerde osy ýaqyt saqtalady.
Sonymen qatar, ýchaskede tirkelgen azamattardyń barlyǵy belgilengen ýaqytqa deiin daýys berip úlgerse, ýchaske jumysy 20:00-ge jetpei aiaqtalýy múmkin.
Aimanqulovtyń málimdeýinshe, daýystardy sanaý úzilissiz júrgiziledi. Qorytyndylar Konstitýtsiialyq zań talaptaryna sáikes sanaý barysynda qatysyp otyrǵan azamattarǵa jariia etilýi tiis. Ár ýchaskede daýystardy sanaý merzimi onyń bastalǵan sátinen bastap 12 saǵattan aspaýy kerek.
Sondai-aq ol referendým jaramdy dep tanylýy úshin daýys berýge quqyǵy bar azamattardyń keminde jartysy qatysýy qajet ekenin eske saldy.
Referendýmǵa shyǵarylǵan másele boiynsha sheshim qabyldandy dep eseptelýi úshin daýys bergenderdiń basym bóligi «iá» dep tańdaý jasaýy jáne bul nátije oblystar men respýblikalyq mańyzy bar qalalardyń keminde úshten ekisinde tirkelýi tiis.
Ortalyq referendým komissiiasynyń habarlaýynsha, daýys berý qorytyndylary arnaiy otyrysta bekitiledi. Al resmi nátijeler daýys berý aiaqtalǵan kúnnen bastap jeti kún ishinde Komissiianyń resmi resýrstarynda jáne buqaralyq aqparat quraldarynda jariialanady.
