Qazaqstandyq ónertapqysh Altai Ainabek Almatyny tazartýǵa arnalǵan jobasynyń merzimin atady, - dep habarlaidy Dalanews.kz.
"Biyl Túrkistanda bidai 20-25 tsentnerden rekordtyq ónim berdi. Sońǵy jyldary ósimdikterdi aýrý etip qyryp bara jatqan qurǵaǵan Araldan taraǵan tuzdy ýy burynǵydai jaiylmai, aǵashtar qaita tirildi, kókónisterimizge dárini az bersek te ónim mol boldy, dep yrzalyǵyn aityp "shapandaryn" japty", - dedi ol áleýmettik jelide.
"Endi Almatynyń aýasyn tazartý revoliýtsiialyq jobamyzdyń sátti shyǵýyna shyr-pyr bolyp júrmiz. Osy jyldyń 20.11 nen 15.04.2025 deiin milliondaǵan adamnyń kózinshe Almaty qalasynyń aýasynyń tazalyqty qamtamasyz etip otyrý kerek", - dedi ol.
Aita keteiik, buǵan deiin de Aralǵa qoldan jańbyr jaýǵyzyp, "Rainman" atanǵan qazaqstandyq ǵalym Altai Ainabek aldaǵy ýaqytta Almatynyń kók tútinimen kúresetinin málimdedi. Búginde iri megapoliste nárestege deiin temeki shegip jatyr dep dabyl qaqqan maman Dalanews.kz agenttigine jańa jobasyn tanystyrdy.
Sonymen qatar, jobany aiaqtan turǵyzý úshin ǵalym qaiyrymdylyq qory ashylǵanyn qulaqqaǵys etti.
“Jobany iske asyrý úshin kásipkerlerden demeýshilik etýin surap, hattar daiyndap otyrmyz. Osy maqsatta arnaiy “Altay Rain Man foundation” qoryn ashtyq. Osy qor arqyly jobany iske asyramyz dep josparlap otyrmyz. Jeti aiǵa sozylatyn jobada ýniversitetterdiń bireýimen kollaboratsiia jasap, sol jerde tehnologiianyń ǵylymi zertteý quraldaryn birge bekitip, Qazaqstan qalalarynyń aýasyn jaqsartýǵa bailanysty ǵylymi jumyspen ainalysamyz. Adamdardyń kóshede betperdesiz jáne kólik terezesin ashyp otyra alatyndai jaǵdaiyn jasaýǵa árekettenemiz”, - degen edi joba avtory.
