Qyzylorda oblysynyń Aral qalasynda zorlyq belgileri bar er adamnyń denesi tabyldy. Bul týraly Hronika.kz habarlady.
Oqiǵa 31 tamyz kúni shamamen saǵat 17:00-de bolǵan. 1988 jyly týǵan azamat J.-nyń denesi jeke turǵyn úidiń aýlasyndaǵy garajdan tabylǵan.
Marqumdy alǵash bolyp týǵan ápkesi kórip, politsiiaǵa habar bergen.
Atalǵan derek boiynsha Qylmystyq kodekstiń 99-baby 1-bóligi – "Adam óltirý" boiynsha qylmystyq is qozǵaldy.
Kúdikti retinde Aral qalasynyń 1987 jyly týǵan turǵyny B.M. Joldasov izdestirilip jatyr. Málimet boiynsha, ol buǵan deiin sottalmaǵan.
Qazirgi ýaqytta kúdiktini izdeý jáne oqiǵanyń mán-jaiyn anyqtaý sharalary júrgizilip jatyr.
