“Qyz Jibek” filmindegi tarihi kamzolǵa qatysty daýdan keiin elimizde kinoda qoldanylǵan kóne kostiýmder men rekvizitterge baqylaý kúsheitilmek. Bul týraly Mádeniet jáne aqparat vitse-ministri Evgenii Kochetov málimdedi, dep habarlaidy dalanews.kz.
Vitse-ministrdiń aitýynsha, filmde paidalanylǵan tarihi kiim aldaǵy ýaqytta Qazaqfilm mýzeiine resmi túrde tabystalady. Osyǵan bailanysty vedomstvo halyq ártisi Merýert Ótekeshevamen kelissóz júrgizgen.
Aktrisa tarihi murany memleketke tapsyrýǵa kelisim bergen. Alaida mýzeige tek kamzol ǵana emes, kostiýmniń tolyq túpnusqa jiyntyǵy ótkizilmek.
Osy oqiǵadan keiin ministrlik qazaqstandyq kinematografiiada qoldanylǵan barlyq tarihi kostiýmder men rekvizitterdi tsifrlandyrý jumystaryn bastaǵan. Endi olar biryńǵai elektrondy bazaǵa engiziledi. Ministrlik mundai qadam bolashaqta tarihi jádigerlerdiń joǵalýyna nemese jeke qolda ketýine jol bermeý úshin qajet ekenin aitady.
