Jetisý oblysyndaǵy Qytaimen shekarada ornalasqan Dostyq stantsiiasynyń temirjol vokzaly qaita jańartylyp, paidalanýǵa berildi, dep habarlaidy dalanews.kz.
1961 jyly salynǵan vokzaldyń ǵimaraty qaita jańǵyrtylyp, shatyry men injenerlik jelileri jańartyldy. Nysannyń ishki jáne syrtqy árleý jumystary júrgizilip, perron qaita jóndeldi, sondai-aq vokzal mańy abattandyryldy.
Dostyq stantsiiasyndaǵy ortasha táýliktik jolaýshylar aǵyny 158 adamdy quraidy. Stantsiia arqyly Almaty, Aqtoǵai, Balqash, Qaraǵandy jáne Astana baǵyttarynda qatynaityn 14 jolaýshylar poiyzy ótedi.
Jańǵyrtý jumystary Memleket basshysynyń tapsyrmasymen elimizdiń temirjol vokzaldaryn jańǵyrtý baǵdarlamasy aiasynda júrgizildi.
Joba «Qazaqstan temir joly» UK» AQ-nyń óz qarajaty esebinen, Úkimettiń, Kólik ministrliginiń, «Samuryq-Qazyna» AQ men Jetisý oblysy ákimdiginiń qoldaýymen júzege asyryldy.
Qaita jańartylǵan vokzal jolaýshylardyń qaýipsizdigi men jailylyǵyna qoiylatyn zamanaýi talaptarǵa sáikes jabdyqtalǵan.
